پاکستان انٹرنیشنل ایئر لائنز کے اے ٹی آر جہاز کی پرواز سِکس سکس ون کے کریش میں اڑتالیس انسانوں کی زندگی کا چراغ بُجھنے سے شہدا کے لواحقین پر غم پہاڑ ٹوٹ گئے۔ اب انہوں نے پوری زندگی اس دکھ اور درد کے ساتھ گزارنا ہوگی۔ حادثے پر فطری طور ہر انسان صدمے سے دوچار ہے۔ یہ حادثہ اڑھائی منٹ پر محیط ہے۔ پائلٹ نے اڑھائی منٹ حادثے کا سامنا کیا اور مسافروں نے شاید ایک سے ڈیڑھ منٹ کیا ہو۔ یہ سوچ کر کہ پائلٹ کے اڑھائی اور مسافروں کے ایک منٹ تیس سیکنڈ کس کرب اور درد سے گزرے ہونگے، رونگٹے کھڑ

انسانی زندگی المیات، سانحات اور اندوہناک واقعات سے بھی عبارت ہے۔ انسان نے ایک دن اس دنیا سے جانا ہے، اگر اس کا کوئی اور ذمہ دار ہو تو دکھ مزید بڑھ جاتا ہے۔ لواحقین کا اسے اللہ کی رضا سمجھ اورکہہ کر صبرکر لینا مشکل ہو جاتا ہے۔ فلائٹ 661 کا حادثہ باقی حادثات سے یوں منفرد ہے کہ کریش کے فوری بعد سول ایوی ایشن کے سیکرٹری نے کہا کہ اسکے انجن میں فالٹ تھا، اس پر اگر کسی کو یقین نہیں تھا تو بھی اگلے روز کراچی میں ایک پائلٹ کے اے ٹی آر اڑانے سے انکار پر ماننا پڑا کہ حویلیاں کی پہاڑیوں میں کریش ہونےوالے جہاز کے انجن میں مسئلہ ہو سکتا تھا۔ کراچی میں پائلٹ کو چارٹرڈ فلائٹ موہنجودڑو لے جانے کو کہا گیا جس کے انجن میں ری سٹارٹ ہونے کا پرابلم تھا۔ چترال بھی ایسا ہی جہاز بھجوایا گیا تو یہ انسانیت کے ساتھ ظلم اور انتظامیہ کی طرف سے اپنے عملے اور مسافروں کا قتل ہے۔ اس پر کوئی بھی صبر کیسے کر لے؟

انسان راہ چلتے مر جاتے ہیں، روڈ ایکسیڈنٹ میں جانیں چلی جاتی ہیں، ان پر آنسو بہاتے ہوئے صبر کرنا پڑتا ہے، برداشت کر لیا جاتا ہے۔ قتل پر صبر اور برداشت جواب دے جاتے ہیں۔ تحقیقات میں سب سامنے آجائےگا۔ بہرحال ایک ذمہ دار افسر کو ایسا پبلک بیان نہیں دینا چاہیے تھا۔ اس سے پی آئی اے کی ساکھ مزید تباہ ہوئی اور میڈیا میں نہ ختم ہونیوالی بحث کا سلسلہ شروع ہو گیا۔ سیکرٹری  سول ایوی ایشن نے جو کہنا تھا انکوائری کمیٹی میں کہہ سکتے تھے۔ ایسے غیر ذمہ دار بندے کا اس عہدے تک پہنچ جانا ایسے سسٹم کی نشاندہی ہے جس نے پی آئی اے کا بیڑہ غرق کر دیا ہے۔اے ٹی آر کے مسافروں پر وہ پانچ سیکنڈ کیسے گزرے ہونگے جب جہاز فری فال کرتا ہُوا ناک کے بل زمین کی طرف آ رہا تھا۔ اسکے بعد پانچ سیکنڈ کےلئے سٹیبل ہُوا اور پھر پانچ سیکنڈ میں ایک طرف کو مُڑ کر پہاڑی سے جا ٹکرایا۔ اسکے بعد مسافر جن میں خوف سے خون کا شاید ہی قطرہ بچا ہو، خوف، اپنی حسرتوں، تمناﺅں و ارمانوں کے ساتھ ہمیشہ کیلئے خاموش ہو گئے۔

میری آج پھر اس واقعہ پر نظر ہے جس میں ایک جہاز کے مسافروںکو موت اور قیامت کا سامنا تھا۔یہ ایسے طیارے کی کہانی ہے جس کے مسافروں کو دنیا نے مُردہ قرار دے دیا تھا۔ یہ واقعہ 1972ءمیں پیش آیا تھا۔ جنوبی امریکہ کے ملک یوراگوئے کے کالج کے لڑکے رگبی میچ کھیلنے اپنے رشتے داروں اور عزیزوں کے ساتھ ہمسایہ ملک چلی جا رہے تھے۔ 13 اکتوبر 1972ءکی شام کو ایئر فورس کے چارٹر جہاز فیئر چائلڈ ایف ایچ 227 ڈی کی پرواز 571 نے ارجنٹائن کے ایک مقامی ایئر پورٹ مینڈوزا سے اڑان بھری شروع کی، جہاز کی منزل چلی کا دارالحکومت سینڈی ایگو تھی۔

اس میں 45 مسافر سوار تھے۔ جہاز کو ایک پہاڑی سلسلے اینڈیز کے اوپر سے گزرنا تھا۔ یہ پہاڑی سلسلہ 23 ہزار فٹ تک بلند ہے لیکن موسم کی خرابی اور پائلٹ کی غلطی کے باعث جہاز ایک چٹان سے ٹکرانے کے بعد انتہائی برفانی چوٹی پر کریش کر گیا۔ خوش قسمتی سے پہاڑوں پر 15 فٹ سے زیادہ برف ہونے کے باعث جہاز کے پرخچے نہ اُڑے اور جہاز پھسلتا ہوا چوٹی سے ٹکرانے کے بعد نیچے کی جانب آیا، جہازمیں بیٹھے زیادہ تر مسافر محفوظ رہے۔ کنٹرول ٹاور سے جہاز کا رابطہ منقطع ہو چکا تھا اور یہ سمجھ لیا گیا تھا کہ جہاز کو حادثہ پیش آ چکا ہے لیکن جہاز کی جائے حادثہ کا کسی کو معلوم نہ تھا۔ جہاز کی تلاش شروع کی گئی اور آٹھ دس دن تک ریسکیو ٹیمیں جہاز کی تلاش کرتی رہیں لیکن شدید برفانی طوفان کے باعث یہ سمجھ لیا گیا کہ جہاز میں بیٹھے تمام مسافر مر چکے ہیں اور بالآخر جہاز کو گمشدہ کہہ کر تمام مسافروں کو مردہ قرار دے دیا گیا۔

جہاز پر سوار مسافروں کے پاس کھانے کےلئے کچھ بھی نہ تھا تاہم پناہ گاہ کے طور پر جہاز کا ڈھانچہ موجود تھا۔ حادثے کے باعث 45 میں سے 16 افراد ہلاک ہو چکے تھے۔ ہلاک شدہ افراد کو جہاز میں سے نکال کر باہر برف میں دفن کر دیا گیا۔ 29 مسافر زندہ بچے تھے لیکن 5 کی حالت نازک تھی۔ بچ جانےوالے مسافروں کے سامنے سب سے بڑا مسئلہ خوراک کا درپیش تھا، اسکے علاوہ جہاز کے باہر 15 سے 20 فٹ گہری برف تھی سب سے بڑھ کر 15 ہزار فٹ کی بلندی پر شدید برفانی طوفان تھا۔ جہاز میں وائن کی چند بوتلیں اور صرف 10 سے 12 چاکلیٹس موجود تھیں جبکہ کھانے والے 29 لوگ۔ یہ 12 چاکلیٹس 8 دن تک کھائی گئیں۔

Saved: Survivors of the crash wave to rescue helicopters after their 72-day ordeal in the Andes

ٹرانزسٹر کے ذریعے باقی مسافروں کو نویں دن علم ہوا کہ انہیں مردہ قرار دے دیا گیا ہے اور ریسکیو ٹیموں نے انکی تلاش بند کر دی ہے۔ بھوک کی وجہ سے ان مسافروں کا بُرا حال تھا اور جب یہ علم ہوا کہ اب انکی امداد کو کوئی نہ آئے گا تو تمام مسافر شدید پریشانی کا شکار ہو گئے۔ مزید 3 دن تک مسافروں نے انتظار کیا لیکن اب بھوک کے باعث ان کا بُرا حال تھا۔ آخر کار ان مسافروں نے فیصلہ کیا کہ جو لوگ مر چکے ہیں انکا گوشت کھا لیا جائے۔ ان مسافروں نے ایک دوسرے سے یہ بھی وعدہ کیا کہ اگر ان میں سے کوئی مر جائیگا تو باقی لوگ اس کا گوشت کھا سکتے ہیں۔ یہ مفلوک الحال مسافر شدید بے چارگی کے عالم میں 72 دن یعنی اڑھائی ماہ تک اس ”برفانی جہنم“ میں رہے۔ شدید برفانی طوفان، بھوک، کمزوری اور بیماریوں کے باعث 29 لوگوں میں سے صرف 16 لوگ زندہ بچے جبکہ 13 لوگ حادثے کے بعد ہلاک ہوئے۔

Survivors: Passengers shelter near the tail of the Uruguayan plane which hit a mountain shrouded in mist as it

flew from Santiago to Montevideo

دنیا بھر میں اس واقع کو انسانی تاریخ کی سب سے بڑی بقا کی کہانی کہا جاتا ہے۔ آج بھی جب کوہ پیما اس پہاڑ پر جاتے ہیں اور یہ دیکھ کر کہ کس طرح دو نوجوانوں نے ان پہاڑوں کو

عام لباس میں عبور کیا ششدر رہ جاتے ہیں۔ اس بات میں کوئی شک نہیں کہ اگر انسان کی قوت ارادی مضبوط اور اللہ تعالیٰ کی مدد شامل ہو تو انسان سب کچھ کر سکتا ہے۔ حرف یہ کہ جو مسافر جنید جمشید کے ساتھ راہی عدم ہو گئے ان میں ہم میں سے بھی کوئی ہو سکتا تھا۔ ہم میں سے کسی کے ساتھ ایسا واقعہ پیش آ سکتا ہے جس میں اپنے ساتھی ہی ساتھی کا گوشت کھانے پر مجبور ہو گئے تھے۔ یہ بات ان لوگوں کے سمجھنے کی ہے جن کے پیٹ پانامہ اور آف شور کمپنیوں سے بھی نہیں بھر رہے۔

Wreckage: A body lies in snow outside the shell of the plane. It was 72 days before the 16 who survived

the crash were rescued