پاکستان دے قبائلی علاقے کرم ایجنسی وچ سڑک کنارے بارودی مواد دے دھماکے وچ دس بندے مر گئے تے درجن توں وادھو زخمی۔ایہہ برودی سرنگاں کس، کیوں وچھایاں نیں اتے ایس لئی حفاظتی بندوبست کیہہ ہے؟ ایس بارے میڈیا خموش۔ ایہہ دھماکہ منگل نوں صبح سویرے سنٹرل کرم دی تھاں ”منگو در“ وچ ہویا اتے میڈیا وچ ایس تھاں دے اک توں وادھو ناں لکھے گئے۔۔ پولیٹکل انتظامیہ دے اہلکاراں دسیا کہ دھماکہ مسافر گڈی دے نیڑے ہویا۔بی بی سی دے نامہ نگار عزیز اللہ خان دسیا ہے پئی ایہہ دھماکہ ریموٹ کنٹرول ڈیوائس نال کیتا گی

ا ہے جد کہ ایہہ خبراں وادھو نیں کہ دھماکہ بارودی سرنگ نال ٹکرا نال ہویا ہے۔ مقامی لوکاں دا آکھنا ہے کہ ایس دھماکہ وچمرن تے زخمی ہون والیاں وچ اک خاتون تے دو بچے شامل رلتی نیں۔ زخمیاں نوں ایجنسی ہسپتال صدررکھیا گیا ہے۔ منگودر دی تھاں پاڑہ چنار توں تقریباً 70 کلو میٹر دور دشوار رستیاں وچ ہے۔ کرم ایجنسی نال تعلق رکھن والے رکن قومی اسمبلی ساجد حسین طوری ہوراں بی بی سی نوں دسیا کہ ایہہ تھاں بہوں پسماندہ ہے تے ایتھے زیادہ تر شیعہ آبادی رہندی ہے۔ انہاں نے آکھیا کہ مسافر گڈیمنگودر توں اک ہور وڈی تھاں”سدا“ ول جارہی سی۔ ایس دا ناں وی میڈیا تے ہور دا ہور لکھیا ہے۔ایہہ اک حادثہ ہے یا ات گرد کاروائی ایس بارے نرا بی بی سی نوں پتہ ہے یا ات گرداں نوں۔ایس وقوعے نوں کرم وچ ہون والی ات گرد تے فرقو کاروائیاں دا حصہ آکھنا اک کوڑ رپورٹنگ ہوئے گی پئی تفتیشاں بعد ہی اصل گل دا پتہ چل سی۔ لگدا ہے بی بی سی والے بہوں جلدی وچ نیں۔انہاں طوری ہوراں دا بیان اینج فٹ کیتا ہے جس توں ایہہ تاثر ملدا ہے کہ ایہہ اک پکا ات گرد حملہ جے۔