لندن(مانیٹرنگ ڈیسک):امریکی میڈیا کے مطابق کینسر کی وہ مریضہ جنھوں نے ہسپتال کے وارڈ سے ناچتے ہوئے اپنی تصاویر بھیج کر لاکھوں افراد کو حوصلہ دیا تھا دنیا سے چل بسی ہیں۔آنا الیشیا عایالا بدھ کو ڈیلس کے ایک ہسپتال میں اپنے خاندان اور دوستوں کے درمیان انتقال کر گئیں۔فیس بک اور انسٹاگرام پر آنا کی ویڈیو نوے لاکھ سے زیادہ افراد نے دیکھی تھی۔ان کے دوستوں نے فیس بک پر انھیں خراجِ عقیدت پیش کرتے ہوئے کہا کہ وہ آنا کا زندگی کے ساتھ پیار دیکھ کر بہت متاثر ہوئے ہیں۔ان کی ڈانس انسٹرکٹر الوریمی سانو نے کہ
ا ہے کہ 'آپ کی دوستی اور پرمسرت شخصیت نے سب کو اکٹھا کر دیا تھا۔ میں ایک ہی وقت میں صدمے میں ہوں اور دعا گو ہوں۔'اکتوبر میں لگائی جانے ویڈیو میں آنا عایالا اپنی ایک اور سہیلی ڈینیئل آندروس جن کی بھی کیموتھراپی ہو رہی تھی، ڈانس کرتی نظر آتی ہیں جبکہ ان کو ٹیوبیں لگی ہوئی ہیں۔
