مردم شماری خلاف اک ہور خبر: میٹرک امتحان متاثر
تحریر: فضل حسین اعوان
| شائع مارچ 11, 2017 | 12:09 شام
لاہور(مانیٹرنگ رپورٹ)جوں جوں کراچی وچ مردم شماریاں کروان دا ویلہ نیڑے آرہیا ہے توں توں مانو گنتری خلاف مختلف گلاں وی شروع نیں۔ ایم کیو ایم والیاں پہلے تے مانو گنتری لئی مطالبے کیتے سن تے جداں ہون لگی تے ہن اوہ سپریم کورٹ ٹر گئے نیں۔ فیر کراچی یونیورسٹی ولوں خبر آئی اتے مردم شماری لئی آون والے 800 فوجیاں نوں ٹہراون بارے گلاں ہوئیاں۔ ہک ہور خبرایہہ ہے پئی 28 مارچ توں کراچی وچ میٹرک دا امتحان ہورہے نیں ایس لئی بہوں استاداں دی لوڑ ہے۔ جے استاد گھٹ نیں تے اندرون سندھ یا پنجاب توں منگوالو۔ کراچی دے
امتحانی بورڈ ایس گل نوں ودھاندے ہوئے آکھیا ہے پئی استاداں دا گھاٹا پورا کرکے ہی امتحانی شیڈول دا اعلان ہوئے گا۔ سمجھن والی گل ایہہ ہے پئی اخیر کس کس نوں، کیوں مردم شماریاں تے اعتراض ہے؟ کیہہ اوہ سندھ دی چونویں سرکار دے ہوندے ہوئے اپنی مرضی دا ڈیٹا نہیں رلتی کرسکدے؟ لوک ایس کھیڈ نوں بربر ویکھ رہے نیں۔
