سٹاک ہوم(ویب ڈیسک)  سویڈن کے ماہرین کا کہنا ہے کہ کافی کا محدود استعمال دل کی صحت کے لئے مفید ہے۔سٹاک ہوم یونیورسٹی کے ماہرین کا کہنا ہے کہ صدیوں سے کافی کے بارے میں شبہات پائے جاتے ہیں کہ صحت پر اس کا برا اثر پڑسکتا ہے۔ ستر ھویں صدی کے آخر میں فرانسیسی ڈاکٹروں نے دعویٰ کیا تھا کہ کافی سے تھکن اور فالج کا امکان پیدا ہوجاتا ہے۔ بیسویں صدی کے وسط میں بعض تحقیقی جائزوں میں بتایا گیا کہ کافی پینے سے لبلبے کے سرطا

سویڈن کے ماہرین کی جدید تحقیق سے یہ بات سامنے آئی ہے کہ دن میں چند پیالی ہلکی کافی پی لینے سے شاید ہی دل کو کوئی خطرہ لاحق ہوتا ہے ۔ ماہرین کا کہنا ہے کہ سیکڑوں مرکبات ایسے ہیں جو جوش دیتے وقت کافی میں خاص مہک یا خوش بو اور ذائقہ پیدا کرتے ہیں ،لیکن ابھی تک تحقیق کاروں کی ساری توجہ کیفین پر مرکوز رہی ہے۔البتہ اب دیگر مرکبات کے اثرات کے بارے میں بھی جاننے کا سلسلہ شروع ہوگیا ہے۔ماہرین کا کہنا ہے کہ کچھ لوگ پابندی سے کافی نہیں پیتے تاہم ایک آدھ پیالی پی لینے سے فشار خون وقتی طور پر بڑھ جاتا ہے ، لیکن جو پابندی سے کافی پینے والے ہیں انہیں یہ شکایت نہیں ہوتی۔ زیادہ تر تحقیقی مطالعوں میں کافی نوشی اور بلند فشار خون کے درمیان کسی واضح تعلق کا پتا نہیں چل ہے