لاہور(مانیٹرنگ رپورٹ)پاکستان وچ جڈے وی غیر قنونی باہرلے وسدے نیں انہاں دی رجسٹریشناں پاروں اوہ وی محفوظ ہون گے اتے ریاست وی کہ ایس وچ وڈی گنتری وچ افغان شہری رلتی نیں پر انہاں توں اڈ،برمی، بنگالی وغیرہ وی نیں۔ افغان شہریاں دے غیر قنونی طور تے وسن پاروں انہاں دی اوکڑاں وادھو اتے انہاں نوں چوری چھپے مزدوریاں کرن پاروں رقماں وی گھٹ ملدیاں نے اتے انہاں نوں نوکریاں دین والے ورتدے وی نیں۔انہاں نوں ورتن والے زیادہ تر مالک انہاں دے ہم زبان ہی نیں۔ انہاں دے کجھ ہمدرد نما ویری انہاں دی رجسٹریشناں نہیں

چاہندے۔افغاناں دے ہمدرداں نوں ایس مسلے نوں حل کروان وچ آپدا کردار ادا کرنا چاہیدا ہے۔ہن تساں خبر پڑھو۔
وزارت سیفران نے واضح کیتا ہے کہ رواں سال 31 دسمبر تک رجسٹریشن نہ کران والے افغان شہریاں دے خلاف غیر قنونی قیام دے تناظر وچ سخت انضبابی کاروائی عمل وچ لیائی جاسکدی ہے۔ وزارت دے بلارے دسیا ہے پئی خیبر پختونخواہ، پنجاب، بلوچستان، سندھ تے اسلام آباد وچ 21 تھاواں تے رجسٹریشن دفتر بنائے گئے نیں جتھے ای سی سی کارڈ لین لئی افغان شہری جان اتے مفت کارڈ بنوان ۔ آخری تریخ لنگھن بعدوں ہر اوس بندے خلاف کاروائیاں شروع ہو جان گیاں جس کول کارڈ نہیں ہوئے گا اتے اوہ پاکستانی شہری وی نہیں ہوئے گا۔