دبئی(مانیٹرنگ ) پاکستان نے اظہرعلی کی شاندار ٹرپل سنچری کی بدولت ویسٹ انڈیز کے خلاف ڈے اینڈ نائٹ ٹیسٹ میچ کے دوسرے روز 3 وکٹوں پر579 رنز بنا کر اپنی پہلی اننگز ڈیکلیئر کردی۔

دبئی میں جاری تاریخی میچ کے دوسرے روز کے کھیل کا آغاز ہوا تو پاکستان کااسکور ایک وکٹ پر 279 رنز تھا، اظہرعلی 146 اور اسد شفیق 33 رنز بنا کر کھیل رہے تھے۔

اظہرعلی اور اسد شفیق نے بہترین بلےبازی کا سلسلہ جاری رکھا اور اس دوران اظہرعلی اپنے 150 اور اسد شفیق نے اپنی نصف سنچری مکمل کی۔

اظہرعلی اپنے ابتد

اسد شفیق اور اظہر علی کے درمیان 137 رنز کی اچھی شراکت قائم ہوئی تاہم 352 کے مجموعے پر اسد شفیق 67 رنز بنانے کے بعد بشو کے ہاتھوں آؤٹ ہوگئے۔

پاکستان ٹیسٹ ٹیم شامل ہونے والے نوجوان بلے باز بابراعظم نے ڈیبو کیا اور اسد شفیق کی جگہ بیٹنگ کے لیے آئے۔

دبئی ٹیسٹ کے دوسرے روز چائےکے وقفے تک پاکستان نےدو وکٹوں پر 391 رنز بنائے تھے۔

وقفے کے بعد اظہرعلی نے اپنے کیریئر کی دوسری ڈبل سنچری مکمل کی جبکہ بابراعظم نے اپنے پہلے ہی میچ میں نصف سنچری بنائی۔

بابراعظم نے اظہرعلی کے ساتھ شراکت میں 165 رنز کا اضافہ کیا اور 69 رنز بنا کر 517 کے مجموعے پر آؤٹ ہوئے۔

پاکستان نے کھانے کے وقفے پر 3 وکٹوں کے نقصان پر 530 رنز بنائے تھے۔

اظہرعلی کی ٹرپل سنچری

اظہرعلی نے کھانے کے وقفے کے بعد اپنی شانداری بلے باز کو جاری رکھا اور اپنے کیریئر کی یاردگار کارکردگی کا مظاہرہ کرتے ہوئے پہلی ٹرپل سنچری مکمل۔

اظہرعلی ٹیسٹ کرکٹ میں ٹرپل سنچری بنانے والے پاکستان کے چوتھے بلے باز ہیں، ان سے قبل حنیف محمد نے ویسٹ انڈیز کے خلاف 337 رنز بنائے تھے جو ویسٹ انڈیز کے ہی میدان پر اس دور کی خطرناک ٹیم کے خلاف بنائے تھے، سابق کپتان انضمام الحق نے نیوزی لینڈ کے خلاف 329 رنز بنائے تھے۔

پاکستان کی جانب سے تیسری ٹرپل سنچری بنانے والے بلے باز یونس خان ہیں جنھوں کراچی کے نیشنل اسٹیڈیم میں سری لنکا کے خلاف 313 رنز بنائے تھے۔

اظہرعلی نے دبئی اسٹیڈیم میں ویسٹ انڈیز کے خلاف شاندار بلے بازی کا مظاہرہ کرتے ہوئے چوکے کے ساتھ اپنی ٹرپل سنچری مکمل کی، ان کی ناقابل شکست 302 رنز کی اننگز میں 23 چوکوں اور 2 چھکے شامل تھے۔

پاکستان ٹیم کے کپتان مصباح الحق نے اظہرعلی کی ٹرپل سنچری مکمل ہوتے ہی اننگز ڈیکلیئر کرنے کا اعلان کیا اس وقت پاکستا کا اسکور 3 وکٹوں پر 579 رنز تھا۔

کپتان مصباح الحق نے آؤٹ ہوئے بغیر 29 رنز بنائے۔

ویسٹ انڈیز کی جانب سے بشو نے 2 اور چیز نے ایک وکٹ حاصل کی۔