پی این ایس نصرپرپاک بحریہ کے سربراہ ایڈمرل محمد ذکاء اللہ نے استقبال کیا۔اس موقع پر چیرمین جوائینٹ چیفس آف اسٹاف جنرل زبیر، آرمی چیف جنرل قمر باجوہ اور پاک فضائیہ کے سربراہ سہیل امان بھی موجود تھے۔اس موقع پر پی این نصر سے دوران سفر دو جہازوں کی بیک وقت ری فیولنگ کی مشق کی گئی ۔، پاک بحریہ کے جہازوں پی این ایس اصلت اور پی این ایس شمشیر نے زیر آب چھپے اور سطح سمندر پر موجود دشمن کو کامیابی سے حدف بنانے کا شاندار مظاہرہ کیا۔

اس موقع پر فلائی پاسٹ بھی ہوا جس میں پاک بحریہ کے زولونائینر، سی کنگ اور ایلوٹس ہیلی کاپٹرز۔پاکستان اور جاپان کے پی تھری سی اورین ائر کرافٹ، اور ڈیفنڈر طیاروں نے حصہ لیا۔پاک فضائیہ کے جے ایف سیوٹین تھنڈر اور معراج طیاروں نے اڑان بھری تو بحیرہ عرب کی فضا گھن گھرج سے گونچ اٹھی آخری مرحلے میں پاک بحریہ اور شریک ممالک کے بحری جہازوں نے چیرشپ فارمیشن بنائی اور مہمانوں کو سلامی پیش کی۔پانچ روز تک جاری رہنے والی مشقوں میں تمام سپر پاورز سمیت چھتیس ممالک کی بحری افواج نے بھی حصہ لیا۔