لاہور(شیر سلطان ملک) غازی علم دین شہید رحمتہ اللہ علیہ  کی عمر ابھی ایک برس تھی کہ ایک روز انکے گھر کے دروازے پر دستک ہوئی ۔ آپ کی والدہ نے آپ کو گود میں لیے ہوئے ہی جب گھر کا دروازہ کھولا تو باہر ایک فقیر کھڑا تھا ۔ آپ کی والدہ نے فقیر کو کچھ خیرات دے کر دروازہ بند کرنا چاہا  تو فقیر کی نظر ماں کی گود میں موجود بچے پر پڑی ۔ بچے کو دیکھ کر فقیر نے ان کی والدہ سے کہا  یہ بچہ بہت ہی خوش نصیب ہو گا  اور بڑا ہو کر اپنے والدین کا نام روشن کرے گا ۔ آپ کو اللہ نے

اس خوش نصیب بچے کی صورت میں نعمت خاص سے نوازا ہے اس لیے اس کا خیال رکھا کریں اور اسے ہمیشہ سبز رنگ کے کپڑے پہنائے جائیں ۔ یہ کہہ کر فقیر تو دعائیں دیتا ہوا رخصت ہو گیا ۔ مگر غازی علم دین شہید رحمتہ اللہ علیہ  کی والدہ کے دل پر فقیر کی بات نقش ہو گئی کہ بچے کو ہمیشہ سبز کپڑے پہنچائے جائیں ۔ چنانچہ اسکے بعد جب بھی بازار جا کر علم دین شہید رحمتہ اللہ علیہ  کے کپڑے خریدتیں تو وہ ہمیشہ سبز رنگ کے ہوتے ۔  یہی وجہ ہے کہ آپ کے گھر والوں نے غازی علم دین شہید رحمتہ اللہ علیہ  کے سن شعور تک پہنچنے تک آپ کو سبز کپڑے  ہی پہنائے۔