ترجمان پاک افواج کے مطابق سوشل میڈیا پر چلنے والی تمام ایسی خبریں افواہیں اور بے بنیاد ہیں، جنرل زبیر حیات اور جنرل قمر باجوہ کی ایسی کوئی ملاقات نہیں ہوئی۔

ترجمان نے سختی کے ساتھ سوشل میڈیا کی خبروں پر ردعمل دیتے ہوئے کہا ہے کہ ایسی تمام خبر یں من گھڑت ہیں۔

واضح رہے کہ سوشل میڈیا کی مختلف سائٹس پر  پاک فوج مخالف عناصر کی جانب سے ایک بار پھر نئی عسکری قیادت کی جانب سے منفی پروپگنڈہ کیا گیا ہے، جس میں مائیکرو بلاگنگ سائٹ ٹوئٹر کچھ شرپسند عناصر کی جانب سے عسکری قیادت کی ساکھ مجروح کرنے غلط خبروں اور اوچھے ہھتکنڈوں کا سہارا لیا جا رہا ہے۔

اس سے قبل بھی پاک فوج مخالف گروہ کی جانب سے مخلف جرنیلوں کی تقرری اور تبادلوں کی جھوٹی خبریں سوشل میڈیا پر گردش کی گئی تھیں، جس پر آئی ایس پی آر کی جانب سے سخت نوٹس لیا گیا تھا۔