زمین قاضی ہوراں2002وچ لتی، کریڈٹ عمران خان لے لتا۔سمیہ راحیل قاضی
تحریر: فضل حسین اعوان
| شائع مارچ 13, 2017 | 08:52 صبح
لاہور (مانیٹرنگ رپورٹ)کل عمران خان نے نوشہرہ وچ قاضی حسین احمد ہسپتال دا افتتاح کیتا پر ایس مکھ وکھالی وچ جماعت اسلامی دا کوئی وڈا لیڈر رلتی نہ سی۔ ایس گل نوں قاجی حسین احمد دی دھی سمیہ راحیل قاضی نے کھولیا۔ انہاں دسیا پئی جماعت اسلامی دی لیڈر شپ نوں بلایا ہی نہ گیا۔سمیہ ایہہ وی دسیا پئی اساں ہسپتال لئی بڑا کم کیتا پر پی ٹی آئی سارا کریڈٹ آپ رکھنا چاہندی ہے۔ایس ہسپتال لئی زمین قاضی حسین احمد نے سرکار کولوں 2002وچ بڑی محنت نال لتا سی۔میڈیکل کامپلیکس بناون لئی وی انہاں بڑے پاپڑ بیلے۔پر ایس افتت
اح دے پروگرام وچ مینوں وی سدیا نہ گیا۔پی ٹی آئی عوام لئی کیتے ایس کم دا کریڈٹ جماعت اسلامی نوں دینا نہیں چاہندی۔ میں ایس تے شدید احتجاج کردی ہاں۔انہاں ایہہ انکشاف وی کیتا کہ وزیر اعلی خیبر پی کے تے ایس ہسپتال دا ناں وی بدلنا چاہندے سن۔اوہ ایس ہسپتال دا ناں ”پرویز خٹک ہسپتال“ رکھنا چاہندے سن۔ایہہ کم تے اے این پی والیاں وی نہیں کیتا سی۔اج جداں عمران خان ہسپتال دا افتتاح کیتا تے انہاں قاضی ہوراں بارے چنگیاں گلاں کیتیاں پر نال نال مرحوم آتے 2002وچ مولانا فصل الرحمن نال اتحاد بناون تے تنقیداں کیتیاں۔اوہ ایہہ گل بھل گئے پئی اوس دور وچ عمران خان آپ مشرف دی مدد نال وزیر اعظم بنن دی دوڑ وچ رلتی سن۔
