اب تمہیں پتا چلے گا اصل اپوزیشن کون ہے؟ کپتان نے شریفوں کو ٹف ٹائم دینے کا فیصلہ کرلیا
تحریر: فضل حسین اعوان
| شائع دسمبر 21, 2016 | 10:09 صبح
لاہور (مانیٹرنگ رپورٹ) پاکستان تحریک انصاف نے اوگرا کو وزارت پیٹرولیم کے ماتحت کرنے کا حکم ہائی کورٹ میں چیلنج کردیا ہے۔
تفصیلات کے مطابق پاکستان تحریک انصاف کی جانب سے شیرازذکا ایڈووکیٹ نے لاہورہائی کورٹ میں درخواست دائرکی ہے جس میں کہا گیا ہے کہ کسی بھی خود مختار ادارے کومتعلقہ وزارت کے ماتحت کرنے کے لیے آئینی طریقہ کارہے جس کے مطابق اس قسم کی کارروائی کے لیے پہلے وفاقی کابینہ کی منظوری لازمی ہے۔ درخواست میں مزید کہا گیا ہے کہ وفاقی حکومت ایک مراسلہ جاری کرکے ایک خودمختار ادارے
کو وزارت کے ماتحت نہیں کرسکتی، کابینہ کی منظوری کے بغیریہ اقدام خلاف قانون ہے، اس لئے عدالت عالیہ سے درخواست ہے کہ وفاقی حکومت کے اقدام کو کالعدم قرار دیا جائے۔ واضح رہے کہ حکومت نے 3 روز قبل اوگرا اورنیپرا سمیت 5 خودمختار اداروں کو مختلف وزارتوں کے ماتحت کرنے کا نوٹی فکیشن جاری کیا تھا۔
