صوفی رنگ۔۔۔۔۔: آس دا دیوا بالی رکھ

2017 ,مارچ 12



سِکاں سَدھراں پالی رکھ
 آس دا دیوا بالی رکھ

شوق دا شربت پیندا رہ
 لیکن ہوش سنبھالی رکھ

پگڑی وچ وڈیائ وسدی
 چٹی بھانویں کالی رکھ

سوکے ویلے کم آسی آ
 دل دریا سنبھالی رکھ

عیباں اُتے پردے پا
 تھالی اُتے تھالی رکھ

چھوڑ مثالاں لوکاں تائیں
 اپنا آپ مثالی رکھ

رکھ رضا وچ راضی اپنی
 جھولی بھانویں خالی رکھ

فانی لوکاں دی کی یاری
 ربّ ولی نوں والی رکھ

کدی تے پتھر پارس بنڑسی
 عشق دا بھانبڑ بالی رکھ

انتخاب: بنتِ ہوا

متعلقہ خبریں