ہوائی(مانیٹرنگ)اوباما کے دورہ ہیرو شیما کے بعد جاپانی وزیراعظم پرل ہاربر کا دورہ،تباہ جنگ کی یادیں لوٹ آئیں۔امریکہ جاپان کی دوریاں قربت میں بدل گئیں۔جاپان کے وزیراعظم شنزو ایبے امریکی ریاست ہوائی میں پہنچے ہیں جہاں سے وہ امریکی بحری اڈے پرل ہاربر کا دورہ کریں گے۔اس اڈے پر جاپان نے پہلی جنگِ عظیم کے دوران حملہ کیا تھا۔جاپان کے وزیراعظم نے ہوائی میں موجود بہت سی یادگاروں پر حاضری دی۔مسٹر ایبے کے پرل ہاربر کے دورے کے موقع پر صدر اوباما بھی ان کے ہمراہ ہوں گے۔ دونوں ملکوں کے رہنماؤں کا وہاں اکھٹ

اس حملے کے نتیجے میں امریکی بحری اڈے پر موجود اٹھ جنگی جہازوں کو نقصان پہنچا تھا جبکہ چار سمندر میں ڈوب  گئے تھے لیکن امریکہ کے اہم ہوائی جہاز اس وقت سمندر پر تھے۔ہوائی پہنچنے کے بعد مسٹر ایبے سب سے پہلے قبرستان گئے اور انھوں نے وہاں موجود یادگار پر پھولوں کی چادر چڑھائی۔گرجا گھر کی حدود میں ہونولولو کے قریب موجود یادگار پر وہ کچھ لمحے خاموش کھڑے رہے۔

یاد رہے کہ مسٹر ایبے اس حملے کے 75 سال مکمل ہونے کے تین ہفتوں بعد ہوائی کا دورہ کر رہے ہیں اور ان کے اس دورے سے قبل امریکی صدر براک اوباما نے ہیروشیما کا دورہ کیا تھا۔ وہ امریکہ کے پہلے صدر تھے جنھوں نے جاپان کا دورہ کیا جہاں امریکہ کی جانب سے دوسری جنگِ عظیم میں گرائے جانے والے بم کے نتیجے میں ڈیڑھ لاکھ افرد ہلاک ہو گئے تھے۔اس سے قبل جاپان کے وزیراعظم شنگرو یوشیدا نے سنہ 1951 میں پرل ہاربر کا دورہ کیا تھا۔