سندھ (مانیٹرنگ رپورٹ)بینچ تے بار دے وچ چنگے تعلقاں دی امیداں رکھن والے احمد علی شیخ سندھ ہائی کورٹ دے 23 ویں چیف جسٹس بنے نیں۔ انہاں دی حلف برادری دے پروگرام وچ گورنر محمد زبیر، وزیر اعلیٰ مراد علی شاہ، ایڈووکیٹ جنرل سندھ ضمیر گھمرو سنے وڈی تعداد وچ بار تے بینچ دے نمیندے موجود سن۔ احمد علی شیخ لاڑ کانے توں نیں اتے 1990 توں وکیل دی حیثتیاں وچ کم کردے رہے نیں۔ 2009 وچ سندھ ہائی کورٹ دے ایڈیشنل جج بنن والے شیخ ہوراں نوں 2011 وچ پکی ججی ملی سی۔ میڈیا نال گل بات کردے ہوئے انہاں آکھیا پئی میں کرپشن
تے کوئی سمجھوتہ نہیں کراں گا۔پارلیمانی کمیٹی پہلاں ہی انہاں دے ناں دی منظوریاں دے چکی ہے۔چندھ ہائی کورٹ دے چیف جسٹس سجاد علی شاہ ترقی پاروں سپریم کورٹ چلے گئے سن اتے انہاں بعدوں ایہو سنئیر سن۔
