انسانیت پر تشدد ایک اور دل کو ہلادینے والا واقعہ
تحریر: فضل حسین اعوان
| شائع جنوری 24, 2017 | 12:07 شام
اوچ شریف (مانیٹرنگ رپورٹ) اوچ شریف میں انسانیت سوز واقعہ پیش آیا ، موضع سونک بیلہ میں نامعلوم افراد نے نوجوان کو باندھ کر زندہ جلا دیا ، پولیس نے لاش کو پوسٹمارٹم کے لئے ہسپتال منتقل کر کے تحقیقات شروع کر دیں ہیں۔
ذرائعکے مطابق اوچ شریف میں پیش آنے والے ایک اور انسانیت سوز واقعے نے دل ہلا دیا ، یہ قتل کا اندوہناک واقعہ اوچ شریف کے نواحی علاقے موضع سونک بیلہ میں پیش آیا جہاں نامعلوم افراد نے کھیت میں ایک نوجوان کو ہاتھ باندھ کر زندہ جلا دیا۔ واقعے کی اطلاع ملنے پر پولیس جائے وقو
عہ پر پہنچی اور لاش کو پوسٹ مارٹم کیلئے ہسپتال منتقل کیا۔ پولیس کے مطابق لاش 25 سے 30 سال کے نوجوان کی ہے۔ چہرہ مکمل طور پر مسخ اور ناقابل شناخت ہے۔ قتل کے اندوہناک واقعے کی تحقیقات کا سلسلہ شروع کر دیا گیا۔ کھوجیوں کی ٹیم بھی بلا لی اور جائے وقوعہ سےشواہد بھی اکٹھے کئے۔ پولیس کا کہنا ہے کہ جلد ملزمان تک پہنچ جائیں گے۔
