لاہور(مانیٹرنگ رپورٹ)لاہور لٹریری فیسٹیول (LLF) لہور دے پرانے ہوٹل فلیٹیز وچ شروع ہے۔ سکیورٹی پاروں ایس وار نرا اک دن دا پروگرام ہرہیا ہے۔ صبح دس وجے توں میلہ شروع ہوچکیا ہے اتے ایل ایل ایف دی ویب سائٹ تے پروگرام دتا گیا سی۔ ایلکس واں تنزیلیمان،محسن حامد، عائشہ جلال ،ڈیل رمپل ہوراں دے پروگرام ہو چکے نیں۔ 5 توں 6 وجے درمیان اک کتاب ”نیادور:شاکر علی تے لہور آرٹ سرکل“ دی مکھ وکھالی ہورہی جے جس وچ ثمینہ اقبال، نیر علی دادا تے سلیم ہاشمی رلتی نیں۔ ہال نمبر 2 وچ کوہ نور ہیرے بارے وی پرو

گرام ہورہیا ہے جس وچ ڈیل رمپل، انیتا آنند تے فقیر اعجاز الدین رلتی نیں۔ 6 توں 7 وجے وچکار تہمینہ درانی تے قاضی شوکت فرید سماجی کماں حوالے نال پروگرام وچ گل بات کرن گے۔ ایسے وقت تے ہال 2 وچ تسی احمد رشید نوں وی سن سکوگے۔
جیو دے اک پروگرام وچ اک امریکی مصنفہ نال گل بات وکھائی گئی جس نے لہور تے کتاب لکھی ہے۔ انہاں لہوریاں دی تعریفاں کیتیاں اتے لہور لہور ہے دا نعرہ وی لایا۔ لہور وچ ہون والے ایس ادبی میلہ تے پنجابی بارے اک وی سیشن نہیں۔