پمرا ولوں 31 چینلاں نوں گلبرگ بم دھماکے بارے غلط خبر دین اتے افواہ پھیلاون حوالے نال نوٹس کھلے نیں۔ پر میڈیا والیاں نوں چاہیدا سی اوہ ایس حوالے نال آپ کاروئیاں کردے۔ جہناں چینلاں نوں نوٹس جاری ہوئے انہاں وچ خیبر نیوز، 92 نیوز، دنیا نیوز، ڈان نیوز، سماٹی وی، 7 نیوز اب تک، کے ٹی این، کیپٹل ٹی وی، بول ٹی وی، لاہور نیوز، ایکسپریس، وقت نیوز، کوہ نور سمیت بہوں سارے چینل رلتی نیں۔ اک اخبار خبر دتی ہے کہ پمرا نوں پتہ چلیا ہے پئی پی ٹی وی نے وی اجہی خبر چلائی سی پر پی ٹی وی والے پمرا دے ہیٹھ نہیں آندا

۔ جے ایہہ گل ٹھیک ہے تے انفارمیشن وزارت تے پی ٹی وی دے چیئر مین نوں ایکشن لینا چاہیدا ہے۔
دنیا نوں متاں دین والامیڈیا جداں آپ کوئی غلطی کراد ہے تے اوس بارے کیوں پروگرام نہیں چلاندا۔ کیہہ انہاں چینلاں کول خبر چیک کرن دا کوئی بندوبست ہی نہیں ہے۔ ایہہ سب غیر ذمہ وار میڈیا دا بوتھا ہے اتے میڈیا نوں ایس بارے کجھ آپ وی کرنا چاہیدا ہے۔ انہاں چند گھنٹیاں وچ کیسی کیسی افواواں پھیلائیاں گیا، سگوں پچھلے 6 دناں توں ایہو کجھ ہورہیا سی اتے بہوں سارے بندے سیاسی بعض پاروں ایہہ گھٹیا کم کررہے سن۔ ایس سب بارے کون گل کرے گا؟ کون پروگرام کرے گا؟ یا جتھے اپنے پیٹی بھرانواں دا مسئلہ ہوئے اتے دروٹی رکھنا ہی پالیسی ہے؟