افسوسناک: برطانیہ الطاف وغیرہ نوں ”پال“ رہیا ہے۔ مشیر قومی سلامتی جنرل جنجوعہ دا برٹش اسمبلی ممبراں نوں جواب
تحریر: فضل حسین اعوان
| شائع اپریل 05, 2017 | 10:12 صبح
لاہوور (مانیٹرنگ رپورٹ)برٹش اسمبلی ممبراں دا اک7رکنی وفد اج کل پاکستان دے دورے تے ہے۔ مشیر قومی سلامتی لیفٹنٹ جنرل(ر)ناصر خان جنجوعہ ست رکنی وفد نال گل بات کردے آکھیا کہ افسوسناک گل ہے کہ برطانیہ ریاست دی تھاں افراد نوں زیادہ اہمیتاں دیندا ہے۔برطانیہ نے ایم کیو ایم دے بانی اتے قائد الطاف حسین تے بلوچ لیڈراں جہے غداراں نوں محفوظ پناہواں دتیاں نیں۔ریاستاں دے تعلقات افراد توں بہوں وڈے ہوندے نیں۔برطانیہ دی سرکار نوں ریجنل پدر تے بیلنس پالیسی بنانی چاہیدی ہے۔برطانیہ تے پاکستان وچ چنگے تے تگڑے تعلق
ات دی امیداں لاندے ہوئے جنجوعہ ہوراں دسیا کہ اج پاکستان ریجن وچ ہور زیادہ تگڑا کھڈاری بن چکیا ہے۔وفد خارجہ مشیر سرتاج عزیز نوں وی ملیا۔
