اسلام آباد(مانیٹرنگ رپورٹ )چیئرمین دفاع پاکستان کونسل مولانا سمیع الحق نے وفاقی وزیر داخلا چودھری نثار علی خان توں مطالبا کیتا اے کہ اوہ کونسل نال کیتے گئے وعدیاں نوں نبھان، وفاقی حکومت نے دینی مدرسیاں تے مذہبی طبقیاں دے تحفظ تے اوہناں دے حقاں لئی کیتے گئے کئی وعدیاں نوں پورا نہیں کیتا، توہین رسالت دی سزا دے قانون نوں چھیڑن دی کوشش کیتی گئی تے عالم مجلس تحفظ ختم نبوت نال رلکے ملک بھر وچ تحریک چلائے گی۔

تفصیل دے مطابق جمعرات د ے دیہاڑے اسلام آباد وچ کونسل دے تحت جماعت الدعوة دے سربراہ

حافظ سعید دی نظر بندی خلاف آل پارٹیز کانفرنس دا سانجھا اعلامیا پڑھدے ہوئے مولانا سمیع الحق نے حافظ سعید دی نظر بندی خلاف ہائی کورٹ نال راابطا کرن دا اعلان کردے ہوئے جمعے دے دیہاڑے ملک بھر وچ وکھالیاں دا اعلان کیتا اے۔ اوہناں دا کہنا سی کہ سبھ توں زیادا ا±میداں وفاقی وزیر داخلا چودھری نثار علی خان توں نیں، اوہناں نے وزارت دفاع پاکستان کونسل دے قائدین نال ملاقات کیتی سی جہدے ا±تے طوفان کھڑا ہو گیا سی۔

ایہ قائدین وی محب وطن نیں جہناں جمہوری مطالبے وزیر داخلا ساہمنے پیش کیتے سن تے امید کیتی سی کہ ایہناں مطالبیاں نوں حکومت وعدے مطابق پوریاں کرے گی۔ اوہناں دا کہنا سی کہ اسیں وعدا کیتا سی کہ شیڈول فور ا±تے نظرثانی کیتی جائے گی تے جہڑے رہنماواں دے بنک اکاﺅنٹس فریز کیتے گئے نیں اوہ ک±ھل جان گے ایسے طرحاں بلاک کیتے گئے شناختی کارڈ وی بحال کر دِتے جان گے پر کئی وعدیاں نوں نہیں نبھایا گیا۔ اوہناں دا کہنا سی کہ اسیں اک وار فیر وزیر داخلا چودھری نثار علی خان ا±تے واضح کرنا چاہندے آں کہ سانوں وی دھرنا دینا آندا اے تے وکھالے کرنے آندے نیں۔