لاہور(مانیٹرنگ رپورٹ)احتسابی ادارے دی پھرتیاں کدوں کدوں تیز ہوندیاں نیں تے کیوں ہوندیاں نیں ایس بارے لوک سب جاندے نیں۔ پیٹریارٹ اتے ق۔لیگ بناون وچ ورتی جاون والی نیب نوں کون چلاندا ہے ایس بارے سب جاندے نیں۔نویں چیرمین جے ایس دا بوتھا بدلن گے تے انہاں نوں سب یاد رکھن گے پر نیب دی ہن تیک دی تریخ کوڑ ہے۔احتسابی ادارے ولوں لندن رہن والے حسن تے حسین نواز خلاف جنج نوٹس لاون دی خبراں لوائیاں جا رہیاں نیں اوہ مشرف دا بدلہ لین توں زیادہ اہمیتاں نہیں رکھدیاں۔مشرف تے حسن، حسین نواز وچ بڑا فرق پئی مشرف آ

ئین توڑیا سی، ججاں نوں رگیدیا سی اتے نواب بگٹی تے بے نظیر دے قتل وچ رلتی سی۔حسن تے حسین نواز تے نہ صدر رہے، نہ وزیراعظم تے نہ ہی آرمی چیف پر مشرف تے اپنے عہدے دی عزت وی نہ رکھی سی۔دوجے پاسے نوازشریف تے اوس دے خاندان دی پیشیاں پاروں انہاں ول لوکاں دی حمائیتاں وادھو۔ایہہ وی سب جاندے نیں پئی کمانڈو بماری دا بہانہ بنا کے کنج عدالت توں دوڑیا سی جداں کہ حسن تے حسین نواز نہ تے پاکستان رہندے نیں اتے انہاں دی والدہ وی بمار نیں۔انہاں نوٹساں نال بس رانجھا راضی ہی کیتا جا سکدا ہے۔