پاکستان نے پہلی مرتبہ ابابیل میزائل چلادیا دشمن کے چھپنے کی کوئی جگہ نہ رہی
تحریر: فضل حسین اعوان
| شائع جنوری 24, 2017 | 12:24 شام
راولپنڈی (مانیٹرنگ رپورٹ) پاکستان نے 2200 کلومیٹر تک مار کرنے والے ابابیل میزائل کا پہلا کامیاب تجربہ کر لیا ہے۔ آرمی چیف جنرل قمر جاوید باجوہ اور وزیراعظم نواز شریف نے کامیاب تجربے پر قوم اور مسلح افواد کو مبارکباد پیش کی ہے۔
پاک فوج کے تعلقات عامہ کے ادارے (آئی ایس پی آر) کے ڈائریکٹر جنرل میجر جنرل آصف غفور نے کہا ہے کہ زمین سے زمین پر مار کرنے والے ابابیل میزائل کا پہلا کامیاب تجربہ کر لیا گیا ہے۔ زمین سے زمین پر مار کرنے والا یہ میزائل 2200 کلومیٹر تک کامیا
یہ میزائل ملٹی پل انڈیپنڈنٹ ری انٹری وہیکل کا حامل ہے اور متعدد جوہری وار ہیڈ لے جانے کی صلاحیت رکھتا ہے جبکہ دشمن کے ریڈار کو بھی باآسانی دھوکہ دینے کی صلاحیت رکھتا ہے۔ ڈی جی آئی ایس پی آر کا کہنا ہے کہ میزائل کے کامیاب تجربے سے پاکستان کی دفاعی صلاحیتوں میں مزید نکھار آئے گا۔
ڈی جی آئی ایس پی آر کے مطابق آرمی چیف جنرل قمر جاوید باجوہ، چیئرمین جوائنٹ چیف آف سٹاف کمیٹی جنرل زبیر محمود حیات، نیول اور فضائیہ کے سربراہان نے کامیاب تجربے پر قوم، مسلح افواد اور انجینئرز کی ٹیم کو مبارکباد پیش کی ہے۔
وزیراعظم نواز شریف نے بھی پاک فوج کی جانب سے کامیاب تجربے پر مبارکباد پیش کرتے ہوئے کہا ہے کہ قوم اور مسلح افواج کامیاب تجربے پر مبارکباد کے مستحق ہیں۔
