Mount Weather Emergency Operations Center
یہ امریکی حکومت کی خفیہ پناہ گاہ ہے جو ورجینیا کے پہاڑوں کے نیچے واقع ہے- یہ آپریشن سینٹر کسی بھی ملک میں ہونے والی تباہی یا ہنگامی صورتحال میں ملک کے نظام کو چلائے رکھنے کے لیے کے لیے تعمیر کیا گیا ہے- اس سینٹر کے کچھ اسٹرکچر زمین کے اوپر بھی تعمیر ہیں- اس سینٹر کے اپنے قوانین ہیں جن کی پاسداری ہر فرد پر لازم ہے- اس سینٹر میں کسی بھی غیر متعلقہ شخص کا داخلہ سختی سے منع ہے-

Svalbard Global Seed Vault
ناروے کے جزیرے Spitsbergen میں یہ سرنگ 120 میٹر گہرائی میں تعمیر کی گئی ہے اور اس مصنوعی سرنگ میں آب و ہوا کو کنٹرول کرنے کا سسٹم نصب ہے جس کی مدد سے یہاں کا درجہ حرارت مستقل منفی 18 ڈگری سینٹی گریڈ رکھا جاتا ہے جبکہ سرنگ میں نمی کی شرح کو بھی انتہائی کم رکھا گیا ہے- اس سرنگ میں مختلف بیجوں (seeds) کے کنٹینر رکھے گئے ہیں- اس جگہ پر دنیا کے تمام ممالک کے زراعتی ورثے کو محفوظ بنایا گیا ہے تاکہ کسی بھی موسمیاتی حادثے کی وجہ سے اگر زراعت کا نظام تباہ ہوتا ہے تو انہیں بیجوں کی مدد سے اسے دوبارہ بحال کیا جاسکے- یہی وجہ ہے کہ اس سرنگ میں کسی بھی شخص کو داخل ہونے کی اجازت نہیں ہے کہ کہیں یہی کسی تباہی کا سامنا کرنا پڑ جائے-

Vale do Javari Reservation
ایمیزون کے جنگلات میں گزشتہ کئی صدیوں سے ایسے قبائل آباد ہیں جنہیں باہر کی دنیا کی کوئی خبر نہیں- یہاں ایسے 14 قبائل آباد ہیں جنہیں جنگل سے باہر کی دنیا کا نہ تو کوئی تجربہ ہے اور نہ ہی کوئی معلومات- ان قبائل کا طرزِ زندگی صرف زراعت کے گرد ہی گھومتا ہے- محققین نے یہاں 8 گاؤں دریافت کیے ہیں جن کی مجموعی آبادی 2 ہزار سے زائد افراد پر مشتمل ہے- ان کی حفاظت اور اس طرزِ زندگی کو محفوظ بنانے کے لیے حکام نے ان مقامات پر لوگوں کا داخلہ ممنوع کر رکھا ہے-

Club 33
1967 میں والٹ ڈزنی نے ایک ایسا کلب قائم کیا جہاں صرف دنیا کے مقبول ترین سرمایہ کار٬ ممتاز عوامی شخصیات اور سیاستدان ایک ہی چھت کے نیچے جمع ہوسکتے ہیں- آپ کو کبھی بھی New Orleans میں واقع اس کلب میں داخل ہونے کی دعوت نہیں دی جاسکتی اور نہ ہی کوئی اس کلب کے پراسرار دروازوں سے گزر سکتا ہے- اگر پھر بھی آپ اس کلب میں داخل ہونے میں دلچسپی رکھتے ہیں تو پھر آپ کی اس کی ممبر شپ حاصل کرنے کے لیے نہ صرف ایک بھاری رقم ادا کرنا پڑے گی بلکہ 14 سال کا طویل انتظار بھی کرنا پڑے گا- یہ رقم ان سالوں کے دوران ادا کی جائے گی-

The magnetic island of Es Vedrà
یہ چٹانی جزیرہ اسپین کے ساحل کے ساتھ واقع Balearic جزائر میں سے ایک ہے- اور یہ زمین پر موجود تیسرا سب سے زیادہ طاقتور جیومیٹرک طاقت کا حامل مقام ہے- پہلے نمبر پر برمودا ٹرائینگل اور دوسرے نمبر پر قطب شمالی ہیں- اس جزیرے پر کوئی دھاتی ذخائر موجود نہیں بلکہ یہاں آتش فشاں چٹانیں موجود ہیں- یہاں ٹیکنالوجی بھی ناکام ہے اور درست سمت معلوم کرنے کے لیے کمپاس پر بھی اعتماد نہیں کیا جاسکتا- اس جزیرے سے متعلق متعدد افسانوی کہانیاں بھی موجود ہیں- ہسپانوی حکومت نے اس جزیرے میں داخلہ مکمل طور پر ممنوع قرار دے رکھا ہے-