حادثے کا شکار ہونیوالے جہاز میں وزیر اعظم نواز شریف بھی کئی بار سفر کر چکے ہیں
تحریر: فضل حسین اعوان
| شائع دسمبر 09, 2016 | 13:33 شام
اسلام آباد (مانیٹرنگ ) حادثے سے پورے تین مہینے پہلے وزیراعظم نوازشریف قومی ایئرلائن کے طیارے اے ٹی آر کے مسافر تھے۔تفصیلات کے مطابق سات ستمبر دو ہزار سولہ کو وزیراعظم نواز شریف تباہ ہونے والے اسی طیارے سے چترال روانہ ہوئے، چترال آمد کیلئے جہاز کا خصوصی طور پر معائنہ کرایا گیا، چھوٹے سے چھوٹے اسکرو سے لیکر انجن تک ایک ایک پرزے کی اچھی طرح سے جانچ کی گئی۔
نعروں کی گونج میں وزیراعظم نوازشریف نے چترال میں خوب ترقیاتی منصوبوں کا اعلان کیا، لواری ٹنل کی تعمیر، ڈھائی سو
بستروں کے اسپتال سمیت سڑکوں کا جال بھچانے کے وعدے کئے، داد سمیٹی اور اسی طیارے سے واپس آگئے۔
سات دسمبر کو وہی طیارہ اسی مقام سے بیالیس مسافروں اور عملے کے پانچ افراد کو لیکر واپس آرہا تھا کہ منزل پر پہنچے سے پہلے حادثے کا شکار ہوگیا، جس کے نتیجے میں سارے مسافر شہید ہوگئے
