لاہور(مانیٹرنگ رپورٹ)عدالت وچ نیب دے بدنام زمانہ پلی بارگین قنون بارے بحثاں ہو رہیاں نیں جس نوں مکاون لئی سوموٹو کیس عدالت وچ ہے۔ حیران نہ ہونا، آپدے چوہدری اعتزاز احسن وی پلی بارگین دے وکیل نکلے۔سپریم کورٹ دا ترے رکنی بینج ایس کیس نوں جسٹس گلزار دی آگوائی وچ سن رہیا ہے۔ھکومت ولوں اک ترمیمی بل لمیرے چر توں سینیٹ وچ لمکیا ہویا ہے۔پی پی پی والے ایس نوں کیوں اگے نہیں ودھاندے؟ تحریک انصاف ایس بارے در وٹے بیٹھی ہے۔جج ااکھ رہے نیں پئی نیب قنون دا ایہہ حصہ کوڑ ہے اتے رشوتاں ودھاون دا سبب ہے۔

پر فیر پیشی تے پیشی کیوں؟لوکاں نوں آرے لایا جا رہیا ہے؟روز دی بنیاد تے سنن والا تے ایہہ کیس ہے پر نرے بیاناتہی آ رہے نیں۔جج ہوری آکھ رہے نیں پئی پنج لکھ دے مقدمے وچ پندرہ ہزار پلی بارگین وچ لے کے معاملے نوں پاک کر دتا جاندا ہے۔ فیر کیس نوں لما کون کون کر رہیا ہے؟ویسے تے نیب کیانی دے بھرا والا کیس چکدی نہیں نہ اپوزیشن بولدی ہے اتے عدالت وی چپ کہ کیہہ ایہہ سب ڈرامہ ہے؟جنج پانامہ دے باقی ناواں بارے سب چپ نیں تاں ڈرامیاں بارے لگ پتہ جاندا ہے۔