ایسا قنون بناواں گے پئی کوئی کسی مینڈیٹ تے ڈاکہ پاون دی جرات نہ کرے۔ نواز شریف
تحریر: فضل حسین اعوان
| شائع اکتوبر 27, 2017 | 11:19 صبح
طائف(مانیٹرنگ رپورٹ) سابق وزیراعظم میاں محمد نواز شریف نے آکھیا کہ سعودی عرب وچ مقیم پاکستانی ملک و قوم دا سرمایہ نیں۔ آن والے وقت وچ اسی ایسا قنون بناواں گے کہ کسی دے مینڈیٹ تے کوئی ڈاکہ پاون دی جرات نہیں کرے گا۔ نوجوان کارکن ہی ساڈا سرمایہ نیں۔ ارض مقدس وچ رہن والے پاکستانی ملکی ترقی لئی دعا کرن۔ ارض مقدس وچ رہن والے پاکستانی حرمین شریفاں وچ ہمش ملکی ترقی لئی دعا و کامرانی لئی دعا کرن تے اللہ پاک پاکستان نوں ہمش اندرونی تے بیرونی دشمناں توں محفوظ رکھے۔ انہاں نے آکھیا کہ انشااللہ آئندہ الیکش
ن وچ مسلم لیگ (ن) ہی بھاری اکثریتاں نال جتے گی تے اقتدار وچ آئے گی۔ ایہہ گلاں انہاں جدہ شریف پیلس وچ طائف تے جدہ دے کارکناں نال ملاقات دے دوران نوائے وقت نال گل بات کردے ہوئے آکھیاں۔ ایس موقع تے مسلم لیگ (ن) سعودی عرب دے صدر مرزا الطاف حسین، ممتاز احمد بڈانی، راجہ ظفر اقبال تے محمد حنیف خان موجود سن۔ راجہ ظفر اقبال دی لت ٹوٹن دی وجہ پچھی تے انہاں دی صحتاں لئی دعا کیتی۔
