ولادی میر پوٹن نے مسلسل چوتھی بار بحیثیت روسی صدر حلف اٹھا لیا
تحریر: فضل حسین اعوان
| شائع مئی 07, 2018 | 19:10 شام
ماسکو(مانیٹرنگ ڈیسک): ولادی میر پوٹن نے چوتھی بار صدارت کا حلف اٹھا لیا ہے اور اب وہ 2024 تک روس میں برسرِاقتدار رہیں گے۔ ولادی میر پوٹن نے مسلسل چوتھی بار بحیثیت روسی صدر حلف اٹھا لیا ہے اور اب وہ 2024 تک اپنے ملک میں برسرِاقتدار رہیں گے، چوتھی بار صدارت کا حلف لینے کے بعد ولادی میر پوٹن سوویت یونین کی تاریخ میں طویل عرصہ تک منصبِ صدارت پر فائز رہنے والے دوسرے لیڈر بن گئے ہیں، 65 سالہ ولادی میر پیوٹن 1999 سے وزیراعظم اور صدر کی حثیثت سے روس کی سربراہی کررہے ہیں۔ اس سے
قبل جوزف اسٹالن کے پاس یہ ریکارڈ تھا جنہوں نے 30 سال تک سوویت یونین کی صدارت کی۔نومنتخب روسی صدر ولادی میر پوٹن نے گزشتہ ماہ بھاری اکثریت سے برتری حاصل کی تھی اور انہوں نے 74 فیصد ووٹ حاصل کئے جب کہ 2012 کے صدارتی انتخابات میں انہیں 64 فیصد ووٹ ملے تھے تاہم یہ امر بھی قابلِ زکر ہے کہ حالیہ انتخابات میں ان کے سخت ترین حریف الیکسی نیوالنی پر صدارتی انتخابات میں حصہ لینے پر پابندی عائد تھی۔
