بھارتی پائلٹ کو اپنوں نے ہی دھتکار دیا، شک کی نظر سے دیکھنے لگے
تحریر: فضل حسین اعوان
| شائع مارچ 03, 2019 | 19:16 شام
لاہور(مانیٹرنگ ڈیسک): پاکستان میں عزت سے رکھے جانے والے بھارتی پائلٹ کو اپنوں نے ہی دھتکار دیا اور اپنے ہی افسر کو شک کی نظر سے دیکھنے لگے۔پاکستان نے بھارتی پائلٹ ابھی نندن کو قید میں بھی عزت کے ساتھ رکھا لیکن اس کے اپنوں نے عزت نہ دی اور اسے شک کی نظر سے دیکھ رہے ہیں۔ ابھی نندن کو جب بھارت کے حوالے کیا گیا اس وقت بھارتی اہلکاروں نے ہاتھوں میں بندوقیں تھام رکھی تھیں جیسے فضائیہ کے ونگ کمانڈر کی بجائے کسی مجرم کولے جایا جارہا ہو جب کہ پاکستان نے بھارتی پائلٹ کو آزادی سے پریڈ کے دوران سے بارڈر
تک جانے دیا تھا۔ بھارت پہنچنے پر ونگ کمانڈر ابھی نندن کا فل باڈی چیک اپ، ایم آر آئی، سی ٹی اسکین کیا گیا اور اہلخانہ سے صرف 9 منٹ کی ملاقات کرائی گئی جب کہ بھارتی وزیر دفاع سے ملاقات میں بھی فاصلے پر رکھا گیا۔
