لاہور(مانیٹرنگ رپورٹ) الیکشن ویلے سر ہون گے۔ الیکشن اوہی ڈکنا چاہندے نیں جنہاں نوں ہارن دا ڈر ہے، پر اوہ ناکام رہن گے۔ جمہوریت نوں مہنگے الیکشن پاروں تنقیداں دا سامنا ہے اتے ہر وڈی پارٹی’’جتو امیدواراں‘‘ دی تلاش وچ بااثر تے لمیری رقماں خرچن والے امیدوار اں نوں ٹکٹاں دے رہی ہے۔ جے پارٹیاں شفاف طریقیاں نال آپ فنڈ اکٹھا کرن تے امیدواراں نوں ذاتی خرچیاں دی اجازتاں نہ ہون تے فیر ماڑے تے مڈل کاس ورکرز الیکشن لڑ سکدے نیں۔ایہہ گلاں شفقت خان ہوراں آکھیاں جیہڑے مست ایف ایم1

03دے ہر جمعرات نوں ہون والے پروگرام لوک لہر وچ ٹونی شیخ نال رلتی سن۔ ٹونی شیخ پرانے سیاسی ورکر نیں تے ماڈل ٹاون وچ انہاں لوکاں وچ رلتی جنہاں پی پی پی دی مڈھ بنی سی۔ انہاں دی چوندیاں چوندیاں گلاں پڑھو تے فیر پوراپروگرام وی سنو۔
شفقت خان
میں فوجی ساں پر 1971 بعدوں رٹائرمنٹ لے لتی تے کپتانی چھڈ دتی۔ 
بینکر بن گیا تے امریکہ ٹر گیا، سٹی بینک وچ نوکری کیتی
بھٹو دی پھانسی پاروں امریکہ وچ تنظیم بنائی تے اک رسالہ وی کڈہدے ساں تے اوس نوں لک لکا کے پاکستان وی گھلدے ساں
ضیا دے ستائے لیڈر امریکہ آندے سن تے اساں ٹہل سیوا کردے ساں۔
سیاست وچ دلچسپیاں ودیاں تے پی پی پی نال تعلق ودھیا
بے نظیر بھٹو جداں اپوزیشن لیڈر سن تے انہاں نال کم کیتا
سیاست وچ اک پاسے فیوڈل رنگ تگڑا ہے تے دوجے پاسے اوہ دھڑے نیں جیہڑے سول حکمراناں نوں چلن نہیں دیندے
مشرف نوں میں کدی صدر نہیں آکھیا کیونجے اوہ آمر سی
مینوں لگدا ہے ترقی پسند پرانے نعریاں وچ پھسے نیں تے ترے دی ترے پارٹیاں فیوڈل رنگ وچ
جمہوریت ضروری ہے پر جمہوریت دے نال نال سوشل ڈیموکریسی بہوں ضروری ہے
دولت دی تقسیم بارے پالیسی بنانا لازم ہے تے ایس لئی ہن نویں پارٹی بنائی ہے، عوامی پارٹی پاکستان
پارٹیاں تے ورکراں نوں تگڑا کرن ول ودھنا ساڈا ٹیچا ہے
ٹونی شیخ
میں تے بھٹو صاحب نال سیاست سٹارٹ کیتی سی
1968وچ جنج اساں پی پی پی بنانی شروع کیتی سی اوس ویلے ساڈا اوہی حال سی جو اج اسی عوامی پارٹی پاکستان نال مل کے کر رہے ہاں۔
گھبران دی گل نہیں سگوں لوکاں دے مسائل بارے گل سدھی کرو تے لوک نال رل سکدے نیں۔
جمہوریت نوں ایس ملک وچ چلن دتا ہی نہیں گیا تاں مارے پارٹیاں وی پوری جمہوری نہیں بن سکیاں
اک پاسے اسی طارق لطیف ہوراں نال جڑے ساں جیڑے مزدور جدوجہد وچ سن تے دوجے پاسے پی پی پی نال۔
لیفٹ دی پہلی وار سرکار بنی سی پر کجھ سکہ بند لیفٹ والے کجھ زیادہ جلدی وچ سن تے فیر ٹکرا ہو گیا
ضیا دور وچ جداں ولی خان جیسے لیڈر پہلے احتساباں تے بعد وچ چوناں دی گل کیتی تے اوس نال سب مایوس ہو گئے۔ اوس بہوں دھچکہ ماریا سیاست نوں
شفقت خان تے ٹونی شیخ دی پوریاں گلاں سنن لئی تھلے دتے لنک تے کلک کرو