ملکہ الزبتھ نے اپنے پوتے شہزادہ ولیم کو نیا بادشاہ منتخب کردیا
تحریر: فضل حسین اعوان
| شائع فروری 19, 2019 | 08:38 صبح
نیو یارک (مانیٹرنگ ڈیسک) برطانوی ملکہ ایلزبتھ نے اپنے پوتے شہزادہ ولیم کو برطانیہ کے نئے بادشاہ کے طور پر منتخب کرلیا۔ میڈیا رپورٹ کے مطابق برطانوی ملکہ ایلزبتھ دوئم کو برطانیہ کی بادشاہت کرتے ہوئے 67 سال گزر چکے ہیں اور وہ زندہ رہنے تک تخت پر براجمان رہیں گی ۔ملکہ ایلزبتھ کے بعد برطانیہ کی تخت نشینی ان کے بیٹے 70 سالہ شہزادہ چارلس کے پاس آنی ہے لیکن ملکہ ایلزبتھ نے برطانیہ کے نئے بادشاہ کے طور پر اپنے بیٹے کی بجائے پوتے کو منتخب کیا ہے۔ ملکہ ایلزبتھ ’ڈیمینشیا‘ میں مبتلا ہوچکی ہی
ں اپنی بیماری کے باعث وہ مزید زیادہ عرصے تک خدمات سر انجام نہیں دینا چاہتیں۔میڈیا رپورٹ کے مطابق شاہی محل کے قریبی ذرائع کا حوالہ دعویٰ کیا گیا ہے کہ ملکہ برطانیہ نے تخت نشینی کی منتقلی کےلئے ایک خفیہ تقریب منعقد کی تھی جس میں انہوں نے اپنے پوتے کو بادشاہ کے طور پر منتخب کرلیا ہے ۔ذرائع نے دعویٰ کیا کہ ملکہ برطانیہ بیٹے شہزادے چارلس سے زیادہ پوتے شہزادہ ولیم کو پسند کرتی ہیں اور انہیں یقین ہے کہ وہ اپنے والد سے زیادہ احسن طریقے سے بادشاہت کی ذمہ داریاں نبھائیں گے۔
