لاہور(مانیٹرنگ ڈیسک) فنکار مدتوں بعد پیدا ہوتا ہے رقص ہر کسی کے بس کا روگ نہیں ٹھمکے لگا کر سپر سٹار بننے والیوں کی فنی زندگی بہت کم ہو تی ہے، اداکارہ و پرفارمرآشا چوہدری کا بیان ۔انہوں نے کہا کہ اصل اصل ہوتا ہے اور نقل نقل ،آج سٹیج کی وجہ سے سینکڑوں فنکاروں کے چولہےجل رہے ہیں ،سٹیج سے کروڑ پتی بننے والی فنکاروں نے اپنے جونیئرز کیلئے کچھ بھی نہیں کیا اب وہ دور نہیں رہا جب فنکاروں کو کام کیلئے منت سماجت کرنا پڑتی تھی آؤٹ ڈور تھیٹر نے فنکاروں کو معاشی استحکام بخشا ہےدوسری جانب اداکارہ سجل علی

عنقریب شادی کرنے والی ہیں۔ اس بارے میں ذرائع نے بتایا ہے کہ سجل علی یہ شادی اپنے سابقہ دوست فیروزخان کو جواب دینے کے لئے کررہی ہیں جنہوں نے گزشتہ ماہ نہایت دھوم دھام سے شادی کی تھی جس میں سجل علی کی فیملی سے کسی کو بھی مدعو نہیں کیا گیا تھا کیونکہ دونوں فیملیز کے درمیان دوسال سے کسی طرح کا کوئی بھی رابطہ نہیں ہے۔یاد رہے کہ چند سال پہلے سجل علی اور فیروز خان کی دوستی مثالی سمجھی جاتی تھی اور دونوں شادی کے خواہش مند بھی تھے لیکن کئی وجوہات کی بنا پر ان کے راستے جدا ہوگئے۔ ذرائع نے بتایا ہے کہ سجل علی کی دوستی ان دنوں ایک مشہور شخصیت کے ساتھ ہے اور وہ دونوں عنقریب شادی کرلیں گے۔ یہ امر بھی قابل ذکر ہے سجل علی کئی دنوں سے منظر عام سے غائب ہیں اور ان کا کسی سے بھی رابطہ نہیں جس کی وجہ سے ان کے بارے میں کئی افواہیں بھی زیر گردش ہیں۔