عمران خان کی کامیابی کی بین الاقوامی میڈیا میں بھرپور کوریج
تحریر: فضل حسین اعوان
| شائع جولائی 27, 2018 | 07:07 صبح
اسلام آباد(مانیٹرنگ ڈیسک): پاکستان میں ہونے والے عام انتخابات اوران کے نتائج کو بین الاقوامی میڈیا نے بھی بھرپورکوریج دی۔عالمی میڈیا میں تحریک انصاف کی انتخابات میں برتری کی خبریں نمایاں رہیں جن میں اپوزیشن جماعتوں کے اعتراضات کو بھی جگہ دی گئی۔ سی این این، بی بی سی، بھارتی میڈیا سمیت دیگر بین الاقومی ذرائع ابلاغ نے عمران خان کی وکٹری تقریر براہ راست دکھائی جس پربعدمیں تجزیے و تبصرے کیے گئے۔واشنگٹن پوسٹ نے لکھاکہ کرکٹ اسٹار عمران خان کو انتخابات میں برتری حاصل ہے۔ الجزیرہ میں بھی عمران
خان کی برتری کی سرخیاں لگائی گئیں اورلکھاکہ کرکٹر سے سیاستدان بننے والے عمران خان کی پارٹی کو برتری حاصل ہے جبکہ مخالفین نے دھاندلی کا الزام لگایا ہے۔
