ایک اور پاکستانی نژاد امریکی خاتون نے دنیا کو حیران کر دیا ، پاک وطن کا نام بلند کر دیا

2019 ,جنوری 7



 

مونٹگمری (مانیٹرنگ ڈیسک) پاکستانی نژاد صدف جعفر نے امریکا کی ریاست نیو جرسی کے علاقے مونٹگمری کی میئر کا عہدہ سنبھال لیا، ان کی فیملی ستر کی دہائی میں امریکا منتقل ہوئی تھی۔ صدف جعفر ریاست کی پہلی جنوب ایشیائی میئر ہیں اور ان کے والدین کا تعلق پاکستان کے شہر کراچی سے ہے۔ صدف جعفر سے میئر کے عہدے کا حلف اٹارنی جنرل گوربیر گریوال نے لیا۔ مونٹگمری ٹاؤن شپ کمیٹی میئر اور دیگر 4اراکین پر مشتمل ہے۔ اس موقع پر خطاب کرتے ہوئے صدف جعفر نے کہا کہ وہ لوکل گورننس کمیونٹی کو زیادہ سے زیادہ شامل کریں گی۔ صدف جعفر ڈیمو کریٹک پارٹی کے پلیٹ فارم سے پچھلے برس کمیٹی رکن منتخب ہوئی تھیں، وہ تعلیم کے شعبے سے بھی وابستہ رہی ہیں۔

متعلقہ خبریں