مسلح افواج کو ”مودی جی کی فوج“ کہنے کا سلسلہ بند کرایا جائے، سابق بھارتی جرنیلوں کا مطالبہ
تحریر: فضل حسین اعوان
| شائع اپریل 12, 2019 | 18:31 شام
نئی دلی(مانیٹرنگ ڈیسک): سابق بھارتی جرنیلوں نے صدر رام ناتھ کوند سے انڈین آرمی کے سیکولر اور غیر سیاسی ہونے کی صفت کو برقرار رکھنے کے لیے سیاسی جماعتوں کو فوج کا نام استعمال کرنے سے روکنے اور تادیبی کارروائی کی استدعا کی ہے۔ 8 سابق چیفس سمیت 150 سے زائد سابق بھارتی فوجیوں نے صدر رام ناتھ کوند کو خط تحریرکیا ہے جس میں انتخابی مہم کے دوران سیاسی جماعتوں کی جانب سے فوجی کارروائیوں کا کریڈٹ لینے پر سخت برہمی کا اظہار کیا ہے۔
سابق جرنیلوں نے لکھا کہ حکمراں جماعت بی جے پی کی ج
انب سے مسلح افواج کو ’مودی جی کی فوج‘ کہنے کا سلسلہ بند کر وایا جائے جس کے لیے الیکشن کمیشن کو سخت ایکشن لینے کی ضرورت ہے۔ دیگر سیاسی پارٹیاں بھی فوج کو سیاسی مقاصد کے لیے استعمال کر رہی ہیں۔ سابق بھارتی فوجیوں نے صر کو لکھے خط میں سیاسی جماعتوں کے ورکرز کے فوجی یونیفارم پہننے اور بھارتی سپاہیوں کی تصاویر والے پوسٹرز لگانے پر شدید تنقید کرتے ہوئے کہا کہ فوج سیاست سے پاک ادارہ ہے اور اس کی نیک نامی کو برقرار رکھنے کے لیے بحیثیت صدر اپنا کردار ادا کریں۔
