اسلام آباد(مانیٹرنگ رپورٹ)بنچ ججاں دے فیصلے پاروں ہن سپریم کورٹ پانامہ کیس دے فیصلے تے عمل کروان لئی اک نواں بنچ بنائے گا۔ ایہہ بنچ کڈے ججاں تے مشتمل ہوسی ایس دا فیصلہ چیف ہوری کرن گے۔ایس بنچ وچ کون کون ہو سی ایس باے وی چیف ہوری ہی فیصلہ کر سن۔ نویں بنچ نوں بناون دی استدی وی پانامہ کیس دے ”تریخی“ فیصلے وچ کیتی گئی ہے۔ اینج جاپدا ہے کہ ایہہ بنچ سانجھی کھوجی ٹیم (J,T) لئی ٹی او آر وی بنائے گا اتے 7 دناں دے اندر اندر محکمیاں کولوں ناں وی لے گا۔ ایہہ سارے محکمے تے ادارے ایف آئی اے دے

افسر ہیٹھ رل کے کھوج لاون گے۔
صفحہ322 پیرا نمبر90 تے ست کھوجی اداریاں وچ ایف آئی اے توں اڈ انٹیلی جنس بیورو(IB (،انٹر سروسز انٹیلی جنس(ISI )ملٹری انٹیلی جنس (MI)، سٹیٹ بینک آف پاکستان (SBP)، سیکورٹی اینڈ ایکسچینج کمیشن آف پاکستان (SECP)، تے قومی احتساب بیورو (NAB) رلتی نیں۔ پر رپورٹ دے صفحہ 542 تے اداریاں دی جیہڑی لسٹ دتی گئی ہے اوس وچ آئی بی دا ناں نہیں۔ اینج ایتھے 6 اداریاں دے ناں نیں۔ایہہ کوئی ”ٹائپ“ دی غلطی ہے یا نہیں ایس بارے رپورٹ دے لکھاری ہی جھات پا سکدے نیں۔