بڑے اسلامی ملک میں سینکڑوں اعلیٰ ترین فوجی افسران کی بیگمات کو گرفتارکرنے کا حکم دیدیاگیا
تحریر: فضل حسین اعوان
| شائع جنوری 06, 2017 | 09:07 صبح
![](https://dt4c98r2nr0yq.cloudfront.net/%3Cfunction%20upload_media_to%20at%200x7fb6b8b98230%3E/3ef05cbe663a448a960fae81f4b65278.jpg)
انقرہ (مانیٹرنگ رپورٹ) ترکی میں گزشتہ برس جولائی میں ناکام فوجی بغاوت کے مقدمے کی پیروی کرنے والے پراسیکیوٹرز نے105 اعلیٰ فوجی افسروں کی بیویوں کو حراست میں لینے کے احکامات جاری کردیئے۔ ان افسروں پر بغاوت میں ملوث ہونے کا الزام ہے۔
ذرائع کے مطابق احکامات پبلک پرسنیل سلیکشن ٹیسٹ (KPSS) کے ذریعے کی جانی والی تحقیقات کے بعد جاری کیے گئے۔ جن خواتین کو حراست میں لینے کے احکامات جاری کیے گئے ہیں ان میں 2 کرنلوں، 14 لیفٹننٹ کرنلوں، 40 میجرز، 40 کیپٹنز جبکہ 4 فرسٹ لیفٹننٹس کی بیویاں شا
رپورٹ کے مطابق ناکام فوجی بغاوت کے بعد کی پی ایس ایس ٹیسٹ کے ذریعے ملک کے 31 صوبوں میں تحقیقات کی گئیں۔ خیال رہے کہ ترکی میں گزشتہ برس عوام کی جانب سے ناکام بنائی گئی فوجی بغاوت کے دوران 256 افراد ہلاک اور درجنوں زخمی ہوئے تھے۔ ادھر گولن کی تنظیم سے حمایت کے الزام میں بزنس ایگزیکٹو کو حراست میں لے لیا گیا۔ دریں اثناءترکی کے پراسیکیوٹر نے فتح اللہ گولن کے نیٹ ورک کو مالی مدد فراہم کرنے کے الزام میں 380کاروباری افراد کی گرفتاری کے وارنٹ جاری کر دیئے۔ سرکاری خیبر ایجنسی اناڈولو کے مطابق ان افراد کے گھر اور دفاتر کی تلاشی کے احکامات بھی جاری کئے گئے ہیں۔