لاہور(مانیٹرنگ رپورٹ)کشمیر، پنجاب تے یوپی دی چوناں ملک گیاں نیں اتے ہن مودی سرکار پاکستان مخالف کارڈ نوں کجھ دیر لئی ٹھنڈا کررہی ہے۔ پچھلے سال ستمبر وچ انڈس واٹر کمیشن دا اجلاس نہیں ہوسکیا سی۔ پر ایس مہینے مارچ دی31 تریخ نوں ہن ایہہ اجلاس ہورہیا ہے اتے بھارتی وفدوی پاکستان آئے گا۔ دو سال پہلے کمیشن دا اجلاس ہویا سی پر پچھلے سال کوئی اجلاس نہ ہو سکیا۔ انڈس واٹر معاہدے پاروں کمیشن نوں ہرمالی سال اک اجلاس کرنا ہوندا ہے پر پچھلے سال جداں اجلاس نہ ہویا تے ایس دا خطرہ ودھ گیا سی پئی بھارت ایس معاہد

ے توں باہر نکل رہیا ہے۔اک عالمی معاہدے توں باہر نکلنا ایدا سوکھا کم نہیں۔ پنڈت ایہہ آکھدے رہے سن پئی مودی ہوراں سندھ طاس معاہدے توں باہر نکلن دی گل پاکستان یا دنیا لئی نہیں سگوں بھارتی عوام لئی کیتی سی کیونجے چوناں وچ لوک ایہہ سمجھ لین پئی مودی بڑا ”جنا“ جے۔کجھ دناں وچ لگ پتہ جا سی پئی ایہہ کشتہ کم دتا یا نہیں۔ ہن خبر آئی ہے پئی بھارت کمیشن دے 2017 والے اجلاس وچ رلن نوں تیار ہے۔ ایجنڈا، تریخ تے تھاں دی چون دا اعلان ہجے ہونا ہے۔