لاہور (شیر سلطان ملک)  میانوالی سے تعلق رکھنے والے ایک مایہ ناز  استاد،پروفیسر منور علی ملک لکھتے ہیں ۔

میرے بہت عزیز سٹوڈنٹ میجر میاں محمد قریشی نے اپنے والد محترم مرحوم سراج الدین قریشی کے حوالے سے بتایا کہ 1971 کی پاک بھارت جنگ کے دوران والد محترم پاک فوج کی پنجاب رجمنٹ میں سپاھی کی حیثیت سے مشرقی پاکستان  میں موجود تھے- جنگ کا انجام تو سب جانتے ہیں- موصوف سراج الدین صاحب بھی جنگی قیدیوں میں شامل تھے- دوسال دوماہ بعد قیدیوں کو ر

“ یہ کیا تماشا ہے ؟ میں آدھا ملک دے کر آرہاہوں- یہاں سے ایک بندوق لے کر گیا تھا ، وہ بھی ہندؤوں کو دے کر آرہا ہوں - میرااستقبال تو پھولوں کی بجائے جوتوں کے ہاروں سے ہونا چاھہے تھا-“ موصوف کا یہ دردناک خطاب سن کر سب لوگوں کی آنکھیں بھیگ گئیں۔-

میانوالی سے بس میں بیٹھ کر اپنے گاؤں پکی شاہ مردان پہنچے تو وہاں بھی استقبال کے لیے لوگ جمع تھے ۔ موصوف نے انہیں بھی  استقبال سے روک دیا  اور چادر کے پلو سے منہ چھپائے گھر پہنچے ، اور گھر والوں سے کہا کاش   “کاش سرکار آج بھی مجھے بندوق دے کر پاک وطن کی سرحد کی حفاظت کے لیے بھیجنا چاہتی تو میں ایک منٹ بھی گھر میں بیٹھنا پسند نہ کرتا۔

یہ مرد مجاہد 3 اگست 2016 کو راولپنڈی میں  اپنے صاحبزادے میجر میاں محمد قریشی کے ہاں  اس دنیا سے رخصت ہوگئے- ان کے جوش جہاد کا صلہ رب کریم نے یوں دیا کہ جب وہ اس دنیا سے رخصت ہوئے تو ان کے پانچ بچے پاک آرمی میں خدمات دے رہے ہیں ۔