اس اس سلسلے میں جموں کشمیر ہائی کورٹ کا پاکستانی خاتون کو فوری طور پر پاکستان بھیجنے کا حکم بھی جاری کر رکھا ہے، تاہم اس متعلق بھارتی حکام کی جانب سے عدالت میں رپورٹ جمع کرائی گئی ہے جس کے مطابق پاکستانی ہائی کمیشن نے روبینہ کی قومیت کی تصدیق نہیں کی اس لیے اسے پاکستان نہیں بھیجا جاسکتا۔بھارتی میڈیا کے مطابق پاکستان میں حیدر آباد کی رہائشی روبینہ 2012میں علاج کے سلسلے میں شوہر اور بچی کے ساتھ بھارت گئی جہاں روبینہ کا شوہر اسے چھوڑ کر فرار ہو گیا۔ بھارتی اخبار کی رپورٹ میں کہا گیا ہے کہ روبینہ کا شوہر پاسپورٹ اور شناختی کارڈ بھی اپنے ساتھ لے کر فرار ہوا جس کی وجہ سے روبینہ کے پاس اب پاکستانی شناخت ثابت کرنے کا بھی کوئی ذریعہ نہیں ہے۔روبینہ گزشتہ چار سال سے اپنی کمسن بچی کے ساتھ مقبوضہ کشمیر کی کوٹ بھلوال جیل میں قید ہے