رانا مزمل کا کہنا ہے کہ قسمت بیگ سے 7 سال پہلے سے تعلقات تھے، قتل کی نیت سے فائرنگ نہیں کرائی، صرف زخمی کرانا چاہتا تھا، حملے کیلئے ملزمان کو 5 لاکھ روپے دیئے۔

واضح رہے کہ جمعرات 24 نومبر کو اسٹیج پروگرام میں پرفارمنس کے بعد قسمت بیگ کار میں گھر جارہی تھیں کہ نامعلوم موٹر سائیکل سواروں نے ان پر فائرنگ کردی، انہیں 10 سے زائد گولیاں لگیں، کئی گھنٹی زندگی و موت کی کشمکش میں رہنے کے بعد وہ خالق حقیقی سے جاملی تھیں، مقتولہ کے موبائل فون ریکارڈ سے ملزمان کا سراغ ملا اور جیوفینسنگ کے ذریعے انہیں گرفتار کیا گیا۔

یہاں یہ بات بھی قابل ذکر ہے کہ کچھ روز قبل سینئر وزیر پنجاب رنا ثناء اللہ نے بھی انکشاف کرتے ہوئے کہا تھا کہ قسمت بیگ کے قتل میں شوبز سے تعلق رکھنے والے افراد ملوث ہیں۔