لاہور (مانیٹرنگ رپورٹ)دفاع دے وزیر خواجہ آصف ہوراں دسیا ہے پئی سرکار نے سابق آرمی چیف نوں نویں نوکری دی اجازتاں والا این او سی دے چھڈیاہے۔ ایہہ نوکری ہورے اوس 34ملکاں دی اتحادی فوج دے کمانڈر دی ہے جس بارے کسے نوں کجھ پتہ نہیں۔ خبراں تے ایہہ وی نیں پئی نویں اتحاد وچ ملکاں دی گنتری 41ہوچکی ہے اتے نویں رلتی ملکاں وچ ترکی تے یمن وی رلتی نیں۔ ایس نویں اتحاد بارے رولا بہوں ہے۔ بہوں لوک ایس اتحاد وچ فرقہ واریت دی بو محسوس کردے نیں۔ خواجہ آصف آکھیا ہے پئی ایس اتحاد وچ رلتی ملکاں دے دفاعی وزیراں دی کو

نسل اک وڈا مشاورتی بورڈ ہوسی اتے ایس دا اجلاس مئی وچ ہوئے گا۔اتحاد2015 وچ بنیا سی پر ہلے تیک اوس دی ٹنڈ، منڈ بارے کسے نوں کجھ پتہ نہیں۔ایران تے شام ایس وچ رلتی نہیں ایس پاروں شک ہور زیادہ ہے۔ ایہہ آکھیا گیا ہے کہ رحیل شریف ہوراں نوں سعودی عرب وچ رہن لئی ترے سال دا ویزہ دتا گیا ہے اتے ایہہ کسے پاکستانی نوں پچھلے 10 سالاں وچ غیر سرکاری سطح تے نہیں ملیا۔ سعودی عرب دا ایہہ آکھنا ہے پئی اتحاد دولت اسلامیہ دے خلاف ہے۔ پر ایس وچ اوہ ملک رلتی نہیں جیہڑے دولت اسلامیہ دے ڈہڈوں خلاف نیں۔کل رات دے اک ٹی وی پروگرام وچ ایس بارے جڈے سوال دفاعی وزیر نوں پچھے گئے اوس وچوں70%دے جواب خواجہ جی کول نہیں سن کیونجے نہ تے اتحاد بارے کجھ پتہ ہے نہ ہی نوکری بارے۔