جسٹس امیر ہانی مسلم کا کہنا تھا کہ 13 اور 14 دسمبر دو ہی ورکنگ دن ہیں لیکن ان میں بینچ ہی دستیاب نہیں ہو گا۔ جسٹس آصف سعید کھوسہ نے کہا کہ دو دن میں سماعت مکمل نہیں ہو سکتی، سردیوں کی تعطیلات بھی شروع ہونے والی ہیں۔

کیس میں فریق سربراہ عوامی مسلم لیگ شیخ رشید نے کہا کہ اہم معاملہ ہے دو چھٹیاں قوم پر قربان کر دیں، اس پر جسٹس آصف سعید کھوسہ کا کہنا تھا کہ شیخ صاحب ہم چھٹیوں میں بھی کام ہی کرتے ہیں، ہماری چھٹیاں بس کاغذوں میں ہی ہوتی ہیں۔

چیف جسٹس کا کہنا تھا کہ لوگ آتے جاتے رہتے ہیں اداروں کو چلتے رہنا چاہئے، اہمیت لوگوں کی نہیں اداروں کی ہوتی ہے۔