ممبئی(مانیٹرنگ رپورٹ)بالی ووڈ اداکار شاہ رخ خان فلم کی شوٹنگ ک سیٹ حادثے کا شکار ہوگیا ہے۔

 آنند ایل رائے کی ہدایتکاری میں شاہ رخ خان کی فلم کی شوٹنگ ممبئی کے فلم سٹی سیٹس پرجاری تھی کہ اس موقع پر ایک سیڑھی سیٹ کی چھت سے ٹکرا گئی جس کے بعد چھت کا بڑا حصہ نیچے آگرا اور اس کی زد میں آکر دو افراد زخمی ہوگئے۔ رپورٹس کے مطابق کنگ خان بھی حادثے کے وقت سیٹ پر موجود تھے تاہم خوش قسمتی سے وہ اس وقت سیٹ سے دور بیٹھے تھے اور حادثے سے بال بال بچ گئے۔حادثے میں زخمی ہونے والے عملے کے دو

ارکان کو فوری طور پر ہسپتال منتقل کردیا گیا جن کی حالت اب خطرے سے باہر بتائی جاتی ہے اور شوٹنگ کو دو دن کے لئے ملتوی کردیا گیا جبکہ چھت کی مرمت کے بعد شوٹنگ کا مرحلہ دوبارہ شروع ہوگا۔یاد رہے کہ یہ پہلا موقع نہیں ہے کہ کنگ خان کی شوٹنگ کے دوران کوئی حادثہ پیش نہ آیا ہو اس سے قبل بھی انہیں فلم چنائے ایکسپریس، اور را ون کی شوٹنگ کے دوران حادثہ پیش آیا تھا اور ان کو گھٹنے اور کندھے کی سرجری کروانی پڑی تھی۔