سندھ اسمبلی وی معلومات تک رسائیاں دا قنون منظورکر لتا
تحریر: فضل حسین اعوان
| شائع مارچ 15, 2017 | 10:02 صبح
لاہور (مانیٹرنگ رپورٹ)نثار کھوڑو کل اسمبلی وچ قنون منظوریاں لئی پیش کیتا جس نوں سٹینڈنگ کمیٹی پہلے ہی من لتا سی۔کھوڑو ہوراں آکھیا پئی ایس قنون پاروں ہن سندھ وچ شفافیتاں تے معلومات تیک رسائیاں ہون گیاں۔جمہوریت دی بنیاد ہی ایس وچ ہے پئی سرکاری افسر تے چونویں قیادتاں توں عوام حساب کتاب لے سکن اتے آپ پچھ پڑتیت کر سکن۔ایس قنون دا ناں ٹرانسپیرنسی اتے معلومات تیک رسائیاں2016 ہے۔کھوڑو آکھیا پئی آئین دے آرٹیکل19 Aتے ہن زیادہ بھرویں طریقے نال عمل ہوئے گا۔ہن پبلک مسلیاں بارے عام آدمی معلومات لے سکے گا۔4
5دناں دے اندر اندر معلومات دینیاں ہون گیاں۔پنجاب وانگ سندھ انفارمیشن کمیشن بنایا جائے گا۔جے اوہ افسر معلومات نہیں دے گا تے اوس نوں سزا تے جرمانہ ہو سکدا ہے۔ایہہ قنون جتھے جتھے منظور ہویا ہے اوس وچ سارا زور نرا پبلک محکمیاں تے ہے حلانکہ کڈے ہی پرائیوٹ ادارے پبلک کم وچ رلتی نیں جنج نجی سکول، این جی اوز وغیرہ۔ پر انہاں نوں رلتی نہیں کیتاگیا۔
