سوئٹزرلینڈ (شفق ڈیسک) دائیں طرف کے مائیگرین یعنی آدھے سر کے درد کیلئے Sanguinaria 200 روزانہ رات کو سونے سے پہلے ایک ہفتہ لیں۔ بہتری کی صورت میں اس کی خوراک کم کرتے جائیں، سر کی چوٹی سے ہیٹ کا نکلنا اور مینو یوز کے زمانے میں خواتین کے مائیگرین کے بہترین نتائج کی حامل دوا ہے۔ بائیں طرف کا آدھے سر کا درد (مائیگرین) اور بائیں طرف کے مائیگرین کیلئے Sanguinaria فوراً اور جلد شفا کی حامل دوا ہے۔ گردن کی پچھلی طرف کا سر درد (مائیگرین) Gelsemium 200 کمزور سست اور لو بلڈ پریشر کے حامل مریضوں کیلئے ایک
کرشماتی دوا ہے۔ طالب علموں اور دماغی کام کرنیوالوں کیلئے Acid Phos 200 رات کو لیں اور Kali Phos 200 صبح لیں، بہت جلد فائدہ ہوگا۔ اگر سر درد میں اضافہ ہو اور خاموشی سے لیٹے رہنے سے آرام آئے، حرکات سے زیادتی ہو اور مریض کو اکثر قبض رہتا ہو اور دو تین دن حاجت بھی نہ ہو تی ہو، اس طرح کے مائیگرین میں Bryonia 200 بہترین دوا ہے۔ 1: مائیگرین کے مریض کی ناک کے دونوں نتھنوں میں ایسی گائے جس کا بچہ اس کے ہمراہ ہو یعنی دودھ پیتا ہو تو اس کا دودھ نتھنوں میں چند قطرے چند مرتبہ ڈالنے سے مائیگرین ختم ہو جا تا ہے۔ 2: اسی طرح دودھ کی بجائے گائے کا گھی بھی دونوں نتھنوں میں ڈالا جا سکتا ہے۔ قبض ام الامراض ہے جی ہاں مریضوں کی ماں، جو لوگ مسلسل قبض کا شکار رہتے ہیں وہ بہت سے مہلک اور کرانک امراض کا شکار ہو جاتے ہیں۔ انسان روزانہ دو یا تین مرتبہ کھانا کھاتا ہے۔ 24گھنٹے میں کم از کم ایک مرتبہ اسے اجابت ضرور ہونی چاہئیے۔ کہتے ہیں (جو کہ تجربے سے ثابت بھی ہوا ہے) کہ (1) اگر انسان کی خوراک متواز ن ہو (2) نظام اخراج درست ہو (3) نیند فرحت بخش ہو تو وہ کسی بیماری کا شکار نہیں ہو سکتا۔ نظام اخراج میں سب سے اہم پاخانہ ہے قبض کا نہ ہونے دینا، جسے ام الامراض کہا گیا ہے۔ قبض کا آسان علاج 1 عام طور پر سال ہا سال کی پریکٹس میں دیکھا گیا ہے کہ یہ تین دوائیں آلٹرنیٹ دینے سے اکثر مریضوں کو شفا مل جاتی ہے۔ (پانچ قطرے فی خوراک پانی میں ڈال کر) 1: Sulfer 30 روزانہ صبح 2: Bryonia 30 روزانہ دوپہر 3: Nux Vomica 30 روزانہ رات کو۔ 1: رات کو روزانہ ایک انجیر فریش اگر خشک ہو تو پانی میں ڈال کر بھگو لیں اور ان کو کھا لیں۔ 2: نہار منہ شہد نیم گرم پانی میں حل کرکے پی لینے سے بھی اجابت کھل کر ہو جاتی ہے۔ 3: گرین کلے (گاچی) پاؤڈر فارم میں پانی میں بھگو کر صرف اوپر والا پانی پینے سے قبض نہیں ہوگی۔ کوئی بھی مریض دوا ہمیشہ مستند ادارے کی ہی استعمال کریں۔
