گئے ۔ 13 اکتوبر کو دبئی میں ہونے والا ڈے اینڈ نائٹ ٹیسٹ قومی ٹیم کا چار سواں ٹیسٹ میچ ہوگا ۔ پاکستان نے طویل فارمیٹ کی کرکٹ کا پہلا میچ اکتوبر انیس سو باون کو بھارت کے خلاف کھیلا ۔ لیجنڈ حفیظ کاردار نے پہلے میچ میں ٹیم کی قیادت کی تاہم وہ پاکستان کو فتح دلوانے میں ناکام رہے ۔ پاکستان نے ٹیسٹ میچوں کی سنچری 1979 میں آسٹریلیا کیخلاف میلبورن میں کامیابی حاصل کر کے مکمل کی ۔ سابق سٹار پیسر سرفراز نواز کی ایک سپیل میں سات وکٹوں نے یہ میچ یادگار بنا دیا ۔ قومی ٹیم کی ٹیسٹ میچز میں ڈبل سنچری 1992 میں انگلینڈ کے خلاف اولڈ ٹریفورڈ میں مکمل ہوئی ، گرین کیپس نے یہ میچ ڈرا کیا ، تین سواں ٹیسٹ پاکستان نے 2004 میں بھارت کے خلاف ملتان میں کھیلا ۔ قومی ٹیم اس میچ کو یادگار نہ بنا سکی ، انہیں 52 رنز کی شکست کا سامنا کرنا پڑا ۔ اب دیکھنا یہ ہے کہ مصباح الحق کی قیادت میں ٹیم اپنا چار سواں میچ یادگار بنا پاتی ہے یا نہیں ۔