واشنگٹن (مانیٹرنگ) امریکہ میں 5 مساجد کو بم، موت اور دیگر نفرت آمیز دھمکیوں کے پیغامات موصول ہوئے ہیں۔ کونسل آف امریکن اسلامک ریلیشنز کے مطابق ایک خط میں لکھا ہے کہ لیکسینگٹن مسجد بلال میں جلد دھماکہ خیز مواد نصب کر دیا جائے گا۔ کونسل نے اسلامی مذہبی رہنماؤں سے کہا ہے کہ وہ مساجد کی سکیورٹی بہتر کرنے کیلئے اقدامات کریں۔ ایگزیکٹو ڈائریکٹر ایڈورڈ احمد متشل کے حوالے سے بتایا گیا ہے کہ تین مساجد کو دھمکیاں دی گئی ہیں کہ 15 مارچ کو امریکی مسلمان پر بڑے پیمانے پر حملے کئے جائیں گے۔