وزیراعظم نے بھارتی فلمیں کی نمائش کی اجازت دے دی۔
تحریر: فضل حسین اعوان
| شائع جنوری 28, 2017 | 21:58 شام
اسلام آباد(مانیٹرنگ ڈیسک): وزیراعظم میاں محمد نوازشریف نے ملک بھر میں بھارتی فلموں کی نمائش کی اجازت دے دی۔ذرائع کے مطابق غیر ملکی مواد سے متعلق کمیٹی نے وزیراعظم کو بھارتی فلموں کی نمائش کی سمری ارسال کی جسے منظور کرتے ہوئے وزیراعظم نے ملک بھر میں غیرملکی فلموں کی نمائش کی اجازت دے دی۔غیرملکی مواد سے متعلق کمیٹی نے پاکستان میں ترک، ایرانی اور بھارتی فلموں کی نمائش آسان بنانے کی تجویز کی جس پر وزیر اعظم نے فلم انڈسٹری کی سفارشات کے تحت ملک بھر میں بھارتی اور دیگر ممالک کی فلموں کی نما
ئش کی منظوری دی۔ ذرائع کے مطابق فلم انڈسٹری کی بحالی کے لیے غیر ملکی فلموں کی نمائش جاری رکھی جائے گی۔خیال رہے پاک بھارت کشیدگی اور مقبوضہ کشمیر میں بھارتی فوج کے نہتے کشمیریوں پر مظالم کے بعد سینما مالکان نے بھارتی فلموں کی نمائش پر ازخود پابندی عائد کردی تھی بعد ازاں سینما مالکان نے یہ پابندی ہٹانے کا اعلان بھی کیا تھا۔
