سندھ (مانیٹرنگ رپورٹ)سندھ ہائی کورٹ نے حدود قوانین 1979 نوں بنیاد بناکے شراب دی دکاناں تے پابندیاں لادتیاں سن۔ پر ہن سپریم کورٹ ایس حکم نوں فارغ کردتا ہے۔ جج اعجاز افضل خان دی آگوائی وچ دو رکنی بینچ نے ایہہ فیصلہ سنایا ہے۔ سندھ ہائی کورٹ مارچ دی 2 تریخ نوں ایہہ پابندیاں لائیاں سن۔ سندھ ہائی کورٹ دا فیصلہ دو ججاں دے بینچ سنایا سی جس دی آگوائی اوس ویلے دے چیف جسٹس سجاد علی شاہ کررہے سن، اوہ ہن سپریم کورٹ دے جج نیں۔ سندھ سرکار نوں آکھیا گیا سی پئی اوہ 30 دناں وچ کوئی ایسا سسٹم بناون جس پاروں شرا

ب ویچن والے صرف غیر مسلمان تے باہرلیاں نوں ہی شراب ویچ سکن۔ سپریم کورٹ اپنے فیصلہ وچ آکھیا ہے پئی جے کوئی خلاف ورزیاں ہو رہیاں سن تے فیر ہائی کورٹ نوں اوس بارے پہلے فیصلے کرنے چاہیدے سن۔ سپریم کورٹ وچ شراب ویچن والی 10 دکاناں والیاں نے ایہو درخاست دتی سی پئی پہلے ایہہ فیصلہ کرو کہ ایس حوالے نال کوئی خلاف ورزیاں ہو رہیاں نیں اتے ایہہ وی کہ ایہہ خلاف ورزیاں کرکون ہیا ہے۔ جداں تیک ایہہ فیصلہ نہیں ہوندا سانوں شراب ویچن دیو۔ سپریم کورٹ ایس دلیل نوں من لتا ہے۔