نئی دلی (مانیٹرنگ ڈیسک) بھارت سے تعلق رکھنے والے دو بھائیوں کو روزگار کے لئے امریکہ کا ویزہ ملا تو ان کی بیگمات کی خوشی کا کوئی ٹھکانہ نہ تھا، لیکن ان بدبختوں نے امریکہ پہنچتے ہی اپنی بیویوں کو طلاق بھجوادی، اور وہ بھی واٹس ایپ کے ذریعے۔
ویب سائٹ کی رپورٹ کے مطابق حنا فاطمہ نامی خاتون نے بتایا کہ ان کا خاوند اور اس کا بھائی امریکہ گئے تو وہ خواب دیکھ رہی تھیں کہ اب ان کے حالات بدل جائیں گے۔ وہ پرامید نظروں سے خاوند کے پیغام کی منتظر تھیں لیکن جب پیغام ملا تو ان کی دنیا ہی اجڑ گئی۔ اس ن

ے جاتے ہی طلاق بھجوا دی تھی۔ حنا فاطمہ نے بتایا کہ بعد میں انہیں پتہ چلا کہ ان کے خاوند کے بھائی نے بھی یہی حرکت کی تھی اور امریکہ پہنچتے ہی اپنی بیگم کو واٹس ایپ کے ذریعے طلاق بھجوادی تھی۔حنا فاطمہ اور سید فیاض الدین حسین نامی شخص کی شادی چار سال قبل ہوئی تھی۔ فیاض الدین کے بھائی محمد عبدالعقیل کی شادی مہرین نور نامی خاتون سے ہوئی تھی۔ مہرین کا بھی کہنا تھا کہ اسے واٹس ایپ کے ذریعے طلاق کا میسج موصول ہوا۔ واٹس ایپ پر طلاق کا پیغام بھیجنے کے بعد دونوں بھائیوں نے طلاق کے کاغذات بھی حیدر آباد شہر میں مقیم اپنی سابقہ بیگمات کو بھجوادئیے ہیں۔ دونوں خواتین نے واٹس ایپ پر طلاق موصول ہونے کے بعد عدالت سے رجوع کرلیا ہے۔ انہوں نے عدالت سے سوال کیا ہے کہ ان کے بچوں کا کیا مستقبل ہوگا اور ان کی پرورش کون کرے گا۔ ان کو ان کے بچوں کو کون پوچھے گا اب۔۔۔۔۔ ان خواتین کے سوالوں نے عدالت میں موجود لوگوں پر بھی سکتہ طاری کر دیا تھا۔۔۔ بے بسی سے التجا کرتی خواتین عدالت کے فیصلے کی منتظر ہیں۔۔۔۔۔۔